Þann 17. desember sl. vöktu stjórnvöld í Valencia á Spáni athygli fólks á PDF skjali á vef sínum, dagsett 9. desember 2021, með fyrirsögninni "COVID-19 bólusetningar barna frá 5 til 11 ára". Tilgangurinn var að árétta að foreldrar hafi verið upplýstir um áhættuna sem fylgir tilraunaefnunum. Með öðrum orðum foreldrarnir bera ábyrgð á börnunum sínum, ekki stjórnvöld. Spænski miðillinn El Diestro, segir frá þessu hér:
Daginn áður átti sér stað atvik á fótboltavelli, við lok æfingar, þar sem 7 ára drengur hné niður með hjartastopp. Daginn áður höfðu börn 5-11 ára verið bólusett með fyrsta skammti af Pfizer í skólum Gandia, bæjarins sem hann bjó í. Sagt er frá þessu í mörgum spænskum miðlum m.a. á miðlinum Levante. Í annari frétt um málið í sama miðli er sagt að barnið hafi verið 6 ára og að fjölskyldan hafi notið gríðarlegs stuðnings samfélagsins, m.a. til að greiða útfararkostnaðinn:
Athygli vekur að þetta var ekki fyrsta nýlega tilfellið í Valencia, sem ratar í fjölmiðla, þar sem ungur drengur deyr á fótboltavellinum með hjartastopp. Skömmu eftir að börn á aldrinum 12-17 ára fengu seinni skammtinn af Pfizer, dó 12 ára drengur í bænum Les Alqueris í miðjum knattspyrnuleik.
Faraldur hjartabólgna á meðal ungs fólks hefur gengið yfir heiminn frá því að tilraunabólusetningarnar hófust, en fæst tilfellin rata í fjölmiðla eins undarlega og það kann að hljóma og því virðist sem ákveðin þöggun sé í gagni.
Íþróttafólk hnígur hinsvegar niður á vellinum fyrir allra augum og rata því oft í fjölmiðla. Hjá vefmiðillinn Real Science hefur verið reynt að halda utan um þessar fréttir og eftir síðustu uppfærslu eru tilfellin komin vel á fjórða hundraðið.
Þarna er langt frá því um tæmandi lista að ræða, t.d. tilvik sem átti sér stað í efstu deildinni í fótboltanum hér heima sl. sumar, ekki tiltekið. Listannn má sjá hér.
Einnig má finna á Telegram kanal, þar sem fréttir um hjartaáföll íþróttafólks á vellinum eru teknar saman:
Ekki fyrir löngu var slökkt á beinni útsendingu þegar fyrrum enska fótboltastjarnan Trevor Sinclair spurði hvort ástæðan fyrir þessari miklu fjölgun hjartavandamála meðal fótboltamanna gæti verið Covid bóluefnin.
Fyrrum enski landsliðsmaðurinn Matt Le Tissier hefur einnig nýlega kallað eftir rannsókn á málinu.
