Þann 3. mars bárust fréttir af því að Rússar hefðu gert áhlaup á Zaporizhzhia kjarnorkuverið í Úkraínu, upp hafi komið eldur og því haldið fram að geislun hefði aukist við verið vegna árásarinnar.
Það kom í ljóst þegar málið var skoðað nánar að þó Rússar hafi vissulega gert áhlaup á kjarnorkuverið sem leiddi til elds (sem síðar var slökktur), þá reyndust fréttirnar, sem komu frá úkraínskum stjórnvöldum, um hækkandi geislun frá kjarnorkuverinu vera hrein lygi.
Á þetta benti Pedro L. Gonzalez, ritstjóri Chronicles Magazine, á Twitter.
Með skjáskotum í Twitter færslum (upprunalegu færslunum var síðar eytt af höfundi), sýndi Gonzalez fram á ýkjurnar sem komu frá úkraínskum stjórnvöldum með því að bera þær saman við gögn sem sýndu að geislunarstigið var fullkomlega eðlilegt.
„Úkraínska ríkisstjórnin, þar á meðal Zelensky lugu því að Rússar hefðu skaðað kjarnorkuverið í Zaporizhzhia svo gríðarlega að geislun hækkaði, sem þeir notuðu svo til að réttlæta það að Bandaríkin/NATO blönduðu sér í átökin."
Gonzalez benti á á þræði sínum að hann væri hvorki fylgjandi Rússum né Úkraínu í þessu máli, „en að ljúga svona er ábyrgðarlaust og fyrirlitlegt vegna þess að úkraínskir embættismenn vita að vestrænir fjölmiðlar munu endurtaka hvað sem þeir segja.
Gonzalez er ekki einn um þessa skoðun, þar sem jafnvel Military Times gagnrýndi hversu fljótt vestrænir fjölmiðlar eru tilbúnir að taka allt sem kemur frá úkraínskum stjórnvöldum sem staðreyndum.
„Úkraína, sama hversu farsæl hún hefur verið með að upplýsa og fá aukna jákvæðini um eigið ágæti, þá er hún ekki laus við að deila röngum upplýsingum. Snemma í átökunum birtist á opinberri Facebooksíðu varnarmálaráðuneytisins myndskeið af meintri loftorustu með fyrirsögninni „MiG-29 flughersins eyðileggur „óviðjafnanlega“ Su-35 rússneska hernámsliðsins.“ Myndskeiðið reyndist vera úr tölvuleik sem heitir „Digital Combat Simulator.“
Ritstjóri Chronicles Magazine fullyrti einnig að forseti Úkraínu hafi „verið helgaður af fjölmiðlum og vitleysingum,“ þeir séu ógn við Bandaríkin á þessum tímapunkti og hverju öðru landi sem þeir reyna að kúga tilfinningalega og spila á siðferðislega til að stigmagna þessi átök.“
Með vísan til fyrri ferils Úkraínuforseta í sýningarbransanum sagði Gonzalez: „Zelensky er lélegur leikari. Honum er sama um úkraínska borgara og honum er nokkuð sama hvort fólk sé almennt drepið. Ef honum væri ekki sama myndi hann ekki ljúga svona og hann myndi ekki láta embættismenn sína ljúga.“