Ákvörðun Bangladesh um að sitja hjá í atkvæðagreiðslu þar sem Rússland var fordæmt leiddi til þess að Bangladesh fær ekki fyrirhugaða sendingu af COVID-19 bóluefnum.
Í síðustu viku samþykkti allsherjarþing Sameinuðu þjóðanna (SÞ) með yfirgnæfandi meirihluta atkvæða að fordæma Rússland fyrir innrás þeirra í Úkraínu og kröfðust tafarlauss brotthvarfs rússneska hersins.
141 af 193 aðildarríkjum greiddu atkvæði með ályktuninni. Fimm þjóðir greiddu atkvæði á móti, þar á meðal Rússland sjálft, Hvíta-Rússland, Norður-Kórea, Sýrland og Erítrea. Hin 35 löndin sátu hjá við atkvæðagreiðsluna.
Meðal þeirra sem sátu hjá var Suður-Asíuríkið Bangladesh sem varð til þess að Litháen sem nokkrum dögum áður hafði áveðið að senda landinu yfir 440.000 skammta af COVID-19 bóluefni, hætti við sendinguna.
Þetta kemur fram í skýrslu frá litháíska ríkisútvarpinu og sjónvarpinu (LRT). Þetta staðfesti talsmaður Ingrida Šimonytė, forsætisráðherra Litháen, við LRT.
Ekki fylgir fréttinni hvort Bangladesh telji ákvörðun Litháen vera blessun eða refsingu í ljósi þess hversu misheppnuð svokölluð Covid bóluefni eru.
