Hefur hann ekki gefið milljarða til mannúðarmála og þróað ódýr bóluefni fyrir þriðja heiminn til að börn deyi ekki úr óþarfa sjúkdómum? Og er nú helsti ráðgjafi í sambandi við farsjúkdóma, ekki bara Covid heldur alla næstu farsóttir líka, sem og auðvitað bóluefni gegn þeim. Eigum við ekki bara að treysta honum?
Um daginn horfði ég á heimildarmynd um kappann og hef verið afar hugsandi síðan.
Eins og allir vita byrjaði Bill Gates í hugbúnaðargeiranum og þróaði Microsoft sem er mest notaða hugbúnaðarkerfi í heimi. Hann er nú sá fjórði ríkasti í heiminum.
Peningar búa ekki bara til meiri peninga, heldur geta þeir líka keypt virðingu og álit almennings. Árið 2000 stofnaði hann Bill & Melinda Gates Foundation sem er stærsta góðgerðarstofnun í einkaeigu í heiminum með eignir upp á 46,8 billjónir. Opinbert markmið stofnunarinnar er að styrkja verkefni um „heilbrigði og þróun á heimsvísu, hnattrænan hagvöxt og stefnu“ (Global health and development, global growth and global policy). Hljómar vel.
Öll umræða um heilbrigðismál styrkt og stýrt af Gates
Gates stofnunin eyðir tugum milljóna á ári í „samstarf“ með fjölmiðlum til að bæta ímyndina og ekki síður til að stjórna umræðunni.
Fjölmargar þáttaraðir BBC um heilbrigðismál og þróunarmál eru fjármagnaðar af Gates stofnuninni, bæði í gegnum BBC Media Action Organization og BBC sjálft. Þetta er ekki síður athyglisvert í sambandi við „Trúverðuga fréttaframtakið“ sem BBC stóð fyrir í samkrulli með öðrum stórum fjölmiðlum, tæknirisum og lyfjafyrirtækjum, m.a. til að þagga niður gagnrýnisraddir á bóluefnialmennt.
Þá fjármagnar stofnunin allar fréttir um heilbrigðismál á ABC sjónvarpsstöðinni, sem og PBC Newshour sem dreift er til 350 smærri stöðva um öll Bandaríkin. Og listinn heldur áfram. Í raun er varla hægt að finna umfjöllun eða framtak um heilbrigðismál þar sem stofnunin hefur ekki einhver ítök.
Gates Stofnunin hefur sett á fót fjölda bóluefnasamtaka til að búa til nýja markaði fyrir bóluefni. Fyrst má nefna GAVI sem er samstarf Gates stofnunarinnar, WHO alþjóðaheilbrigðisstofnunarinnar, the World Bank og lyfjafyrirtækja.
Önnur samtök The Global Fund eiga að berjast gegn alnæmi, berklum og malaríu með bóluefni að sjálfsögðu, Global Financing Facility fyrir heilbrigðis- og þróunarverkefni í þriðja heiminum, og loks CEPI – samstarf um viðbrögð gegn faröldrum, sem Gates stofnaði í félagi við vini sína í Davos árið 2017. Öll þessi samtök fengu hundruð milljónir dollara í stofnfé frá stofnuninni og loforð um meira.
Rannsóknarstofur styrktar af Gates ýktu stórlega hættuna af Covid
Í upphafi kórónufaraldursins voru það helst niðurstöður tveggja rannsóknarhópa sem mótuðu ákvarðanir yfirvalda í Bretlandi og Bandaríkjunum og önnur ríki fóru síðan eftir. Annar þeirra er The Imperial College Research Team í London sem 16. mars 2020 spáði 500 þúsund dauðsföllum í Bretlandi og 2,2 milljónum í Bandaríkjunum ef stjórnvöld gripu ekki til strangra takmarkana. Hinn hópurinn IHME, staðsettur í Washington heimaríki Bill Gates, staðfesti þessar upplýsingar og sagði að 1,5-2,2 milljónir Bandaríkjamanna myndu farast ef ekkert yrði að gert.
Svo skemmtilega vill til að Gates sjóðurinn hefur einmitt styrkt báða þessa hópa í áraraðir. Þetta sama ár fékk Imperial College hópurinn 80 þúsund dollara og IHME 279 milljónir dollara árið 2017, sem dugði til að borga laun allra og vel það.
Gates stýrði og fjármagnaði umræðuna um Covid allan tímann
Stofnunin fjármagnar líka Our World in Data website sem meðal annars heldur utan um tölfræði og rannsóknir á kórónavírusnum.
Í raun eru allar stofnanir og verkefni sem fjallað hafa um kórónavírusinn tengd Gates og háð fjárframlögum hans. Þetta á við um allt frá myndböndum frá Wuhan þar sem fólk datt niður dautt, til leiðbeininga WHO, alþjóðaheilbrigðisstofnunarinnar, um hina „gífurlegu“ hættu sem stafaði af þessum vírus. Margar milljónir myndu deyja ef ríkisstjórnir gripu ekki til fyrirbyggjandi aðgerða, svo sem lokanir fyrirtækja, fjöldatakmarkanir, grímuskyldu og jafnvel stofufangelsi.
Gates stofnunin er langstærsti fjármögnunaraðili WHO eftir að Trump dró Bandaríkin út árið 2020. Þess má geta að forstjóri WHO ekki læknismenntaður, frekar en Gates sjálfur, en var áður formaður The Global Fund og sat í stjórn GAVI, hvort tveggja stofnuð og fjármögnuð af Gates, eins og kom fram hér á undan.
Gates stofnunin er því eins og sést afar örlát á styrki, en hafa ber í huga að flest allir styrkir ganga til verkefna sem eru til hagsbóta fyrir fyrirtæki í eigu stofnunarinnar sjálfrar. Það er því eins og að gefa pening úr hægri vasanum í þann vinstri.
Vissi um hættuna af bóluefninu
Bill Gates gerði sér fulla grein fyrir því að bóluefnið gegn Covid gæti haft slæmar aukaverkanir en sagði að áhættan væri lítilvæg. Að bólusetning á heimsvísu væri betri fyrir heildina þrátt fyrir möguleg afföll. Það sem hann hafði meiri áhyggjur af og vildi tryggja að ekki yrði hægt að lögsækja starfsfólk lyfjafyrirtækjanna fyrir skaðlegt bóluefni.
Það er auðvelt fyrir mann með ítök alls staðar að fá ríkisstjórn Bandaríkjanna til að samþykkja reglugerð sem firrar lyfjafyrirtækin allri ábyrgð. Það var auðsótt mál eftir að Gates stofnunin hafði lofað 100 milljónum dollara til að þróa meðferð og bóluefni gegn kórónavírusnum. „Meðferðin“ var að sjálfsögðu aldrei hugsuð annað en bóluefnið sem var verið að þróa.
Börn og unglingar á afskekktum svæðum notuð sem tilraunadýr
Það er ekkert nýtt fyrir Bill Gates að sprauta fólk og börn með tilraunabóluefni. Frá árinu 1999 hefur Gates rekið „góðgerðarstofnunina“ PATH í afskekktum héruðum þróunarlandanna og prófað bóluefni á grunlausum ólæsum samfélagshópum sem héldu að þetta væri almenn heilbrigðisþjónusta. Til dæmis bárust árið 2009 mörg þúsund skammtar af tilraunabóluefni gegn leghálskrabbameini til PATH á Indlandi sem framleiðandinn GlaxoSmithKline and Merck gaf af tómu örlæti.
Fjórtán þúsund stúlkur frá afskekktu og ólæsu hirðingjasamfélagi í Indlandi, flestar á aldrinum 10-14 ára voru sprautaðar með efninu. Þeim var ekki gerð grein fyrir að um tilraun væri að ræða, bólusetningarnar voru framkvæmdar án vitundar og samþykkis foreldranna og loks hylmt yfir niðurstöðunum. 120 stúlkur glíma enn við eftirköst eftir bóluefnið, s.s. miklar blæðingar, flog og verki. Eftir að sjö stúlkur létust úr bóluefninu hófu indversk yfirvöld loks rannsókn á PATH og komust að því að „góðgerðarsamtökin“ Bill & Melinda Gates Foundation hefðu hér átt í ráðabruggi með lyfjafyrirtækinu að koma bóluefninu inn í almenna bólusetningu yfirvalda, sem hefði þýtt gígantískan hagnað fyrir báða aðila.
Stýrihópur indverska yfirvalda um bólusetningar og heilbrigðismál gagnrýndi indversk yfirvöld harðlega fyrir málið. Í kjölfarið keypti Gates stofnunin stýrihópinn eins og hann lagði sig svo þeir myndu ákvarða bólusetningar fyrir indverskan almenning á sama tíma og þeir störfuðu fyrir GAVI bóluefnasamtökin til að finna nýja markaði. Sem betur fer sáu indversk stjórnvöld í gegnum svikin og klipptu á tengslin við Gates stofnunina. Þetta sýnir hversu óforskömmuð þau Bill og Melinda Gates eru.
Sama gerðist með tilraunabóluefni gegn heilahimnubólgu í Afríku þar sem 40 börn af þeim 500 sem bólusett voru fengu flog þar til þau lömuðust.
Enn annað dæmi er ódýra lömunarveikibóluefnið í dropaformi sem Bill Gates gaf af óendanlegu örlæti sínu. Bóluefnið olli lömunarveiki í stað þess að koma í veg fyrir hana. Nú er svo komið að80% af öllum lömunarveikitilfellum í heiminum eru vegna bóluefnisins. Í skýrslu indverskra yfirvalda kemur fram að yfir 490 þúsund manns fengu lömunarveiki eftir að hafa tekið bóluefnið.
Eins og sést er „góðgerðarstofnun“ þeirra Bill og Melindu Gates allt annað en góðgjörðir. Hið leynda markmið þeirra snýst eingöngu um að hámarka gróða eigin lyfjafyrirtækja og gera tilraunir á börnum og fullorðnum.
Ég hvet fólk til að horfa á þættina alla. Fyrsti þátturinn er hér.
