Apabólutilfelli gætu verið afleiðing COVID bólusetningaáætlunar Vesturlanda

thordis@frettin.isErlentLeave a Comment

Apabóla finnst sjaldan utan Afríkuríkja. Núna, eftir rúm tvö ár í COVID faraldri,  er hún allt í einu í öllum Vestrænum löndum og lýðheilsuyfirvöld, almennir fjölmiðlar og Alþjóðaheilbrigðismálastofnunin (WHO) tala hana upp sem mest þeir mega.

Það er ýmislegt sem bendir til þess að svokallaður apabólufaraldur sem verið er að tala upp gæti í raun verið afleiðing af misheppnuðu COVID-19 bólusetningaráætluninni á Vesturlöndum.

Þá hafa ýmsir velt því fyrir sér hvort apabóluskýringin sé ekkert annað en yfirhylming  eða afvegaleiðing til að kveða niður allt tal um aukaverkanir hinna svonefndu „covid-bóluefna“ þar með talið alnæmi (VAIDS).

Hvert það ríki  sem hefur greint frá áætluðum tilfellum um apabólu frá því í maímánuði hefur einnig staðið fyrir því að sprauta þegna sína með COVID-19 bóluefnum í stórum stíl. Þetta gæti verið tilviljun, en er það líklega ekki.

Apabóla fannst fyrst í mönnum árið 1970 í Lýðveldinu Kongó í níu ára dreng og frá þeim tíma hefur verið greint frá tilfellum af apabólu í 11 löndum í Afríku. Það var ekki fyrr en árið 2003 sem apabólufaraldur varð fyrst skráður utan Afríku en hann varð í Bandaríkjunum.

Vísindamenn komust að því að það er mjög erfitt að greina apabólu frá hlaupabólu. Hlaupabóluveira er tæknilega viðurkennd sem varicella-zoster veira og rétt eins og herpes veiran dvelur hún varanlega í mannslíkamanum.

Rétt eins og kynfæraherpes, getur hlaupabóla legið í dvala í nokkur ár inni í taugafrumum og virkjast aftur síðar og valdið skaða í formi ristils (e. shingles).

Herpes sýkingar þekkt aukaverkun Pfizer mRNA tilraunaefnisins

Opinber gögn stjórnvalda og trúnaðarskjöl frá Pfizer gefa eindregið til kynna að COVID-19 sprauturnar gætu verið að endurvirkja óvirku hlaupabóluveiruna eða herpesveiru í líkama hins sprautaða vegna skaðans sem sprautan veldur ónæmiskerfinu.

Þetta þýðir að almenningur er kannski alls ekki að sjá apabólufaraldur um allan heim, heldur einungis skaða af völdum COVID-19 bóluefnanna.

Í trúnaðarskjölum um aukaverkanir af völdum Pfizer bóluefnisins, kemur fram um að þær geta verið herpes veirusýkingar.

Í lok febrúar 2021, aðeins rúmum tveimur mánuðum eftir að gefið var leyfi til neyðarnotkunar Pfizer mRNA bóluefnisins bæði í Bandaríkjunum og Bretlandi hafði Pfizer fengið 8.152 tilkynningar sem tengdust herpessýkingu og 18 þeirra leiddu til heilkennis vanstarfsemi í mörgum líffærum, fjöllíffærasjúkdómsheilkennis.

Fjöllíffærasjúkdómsheilkenni er kerfisbundið bólguviðbragð sem krefst langrar dvalar á gjörgæsludeild. Það einkennist af hárri dánartíðni þar sem fjöldi líffæra verður fyrir áhrifum og getur heilkennið stafað af herpessýkingu.

Yfir 1.000 tilfelli af apabólu tilkynnt til WHO

Á sama tíma hefur Alþjóðaheilbrigðismálastofnunin greint frá því að yfir 1.000 tilfelli af apabólu hafi greinst í tugum landa þar sem sjúkdómurinn hefur ekki verið landlægur, með einhverjum vísbendingum um að tilfellum fjölgi vegna smits í samfélaginu.

„Meira en eitt þúsund staðfest tilfelli af apabólu hafa nú verið tilkynnt til WHO frá 29 löndum sem ekki eru landlæg fyrir sjúkdómnum. Enn sem komið er hefur ekki verið tilkynnt um dauðsföll í þessum löndum,“ tilkynnti Tedros Adhanom Ghebreyesus, framkvæmdastjóri WHO, á blaðamannafundi þann 8. júní.

Meirihluti þessara tilfella hefur fundist hjá körlum sem stunda kynlíf með körlum, þó að WHO hafi tekið fram að sjúkdómurinn væri ekki eingöngu að finna hjá þeim, en tilkynnt hefur verið um einhver tilfelli meðal kvenna.

Skildu eftir skilaboð