Til er heilkenni sem nefnist "Sudden Infant Death Syndrome" en þá getur ungabarn sem annars virðist fullkomlega heilbrigt skyndilega dáið af engri sýnilegri ástæðu - og þá oft í svefni. Þetta heilkenni þekkjum við betur hér á landi sem vöggudauða.
Rannsóknarsérfræðingur að nafni Neil Miller rannsakaði SIDS með skaða ýmissa bóluefna til hliðssjónar og var niðurstaða hans birt í Science Direct. Hann rannsakaði tilkynningar þær sem skráðar höfðu verið í VAERS tilkynningagrunninn (Vaccine Adverse Event Report System) frá 1990-2019 og bar saman við læknisfræðileg gögn. Þá kom í ljós að barnadauði og SIDS tilvik dreifðust ekki á tilviljanakenndan hátt dag hvern. Í stað þess virtust barnadauði og SIDS tilfelli sem tilkynnt höfðu voru til VAERS eiga sér stað á svipuðum tíma og börnin höfðu voru bólusett. Sem sagt þetta virtist tengjast snemma á fyrstu dögum eftir bólusetningu - eða frá degi 1 til dags 7.
Ef við færum okkur yfir í nútímann þá birtist fyrirsögn í Daily Record þann 30. maí síðastliðinn sem hermdi að ung kona sem stundaði líkamsrækt og gekk 10.000 skref á dag hefði látist í svefni án nokkurs aðdraganda. Hún hafði látist um nótt og var orsök andlátsins að lokum sögð vera SADS (Sudden Adult Death Syndrome). Því virðist sem að nú sé verið að reyna að ýta stoðum undir að skyndileg og óvænt andlát fullorðinna séu ekki óeðlilegur hlutur - að "vöggudauði" fullorðinna sé ekkert sem þurfi að kippa sér upp við.
Önnur fyrirsögn birtist í Daily Mail þann 1. júní síðastliðinn sem greindi frá því að brúður sem fannst látin eftir að hafa hrunið niður á sólbaðsstofu í Swansea og grunur væri að um hjartavandamál væri að ræða.
Í sama fjölmiðli viku seinna birtist fyrirsögn um að heilbrigt ungt fólk væri að deyja skyndilega og óvænt vegna dularfulls heilkennis og læknar væru að leita svara frá alþjóðlegum skráninga-og upplýsingaveitum. Fólk undir fertugsaldri er hvatt til að fara í hjartaskoðun vegna þess að það gæti skyndilega verið komið í áhættuhóp fyrir SADS (Sudden Adult Death Syndrome).
Heilkennið, þekkt sem SADS hefur dregið alls kyns fólk til dauða óháð því hvort það lifi heilbrigðum lífsstíl eða ekki. SADS er regnhlífarheiti sem lýsir óvæntum dauðsföllum hjá ungu fólki samkvæmt The Royal Australian College of General Practitioners.
Allar manneskjur undir fertugu virðast nú skyndilega í lífshættu og virðist ekki þurfa meira til en að anda að sér lofti! Hjartavandamál hafa þó ekki hingað til verið talin undirliggjandi orsök þessara skyndilegu dauðsfalla...
...Fólkið dettur bara skyndilega niður dautt
Þó var nýlega dæmt í máli samkvæmt umfjöllun í The Reading Chronicle, en um er að ræða móðir að nafni Dawn frá Twyford sem dó skyndilega og óvænt. Niðurstaða dómsins var að hún hefði látist af völdum Pfizer bóluefnisins.
Samskiptin sem áttu sér stað í dómssalnum:
Læknirinn Ghataura, sem framkvæmdi fyrstu krufninguna sagði að það hefði verið sýking í hjarta og að það hefði verið blóðtappi í lunga. Hann sagðist hafa verið meðvitaður um að Dawn hefði kvartað undan óreglulegum tíðum eftir að hún hefði verið sprautuð þann 4. júní. "Þetta er mikilvægt", sagði Ghataura, "vegna þess að margar konur töluðu um að hafa fengið þetta eftir bólusetningu". Dawn kvartaði einnig undan verkjum ó kjálka og í armi.
Læknirinn hélt áfram: "Allt þetta ásamt hennar heilsusögu vakti með mér grun um að hún hefði verið að glíma við aukaverkanir af völdum bólusetningar áður en hún lést. Sýkingin og blóðtappinn eru lýsandi fyrir skaða af völdum bóluefnisins. Það er ekkert í hennar heilsufarssögu sem bendir til undirliggjandi hjartavanda".
Ghataura útskýrði fyrir réttarsalnum að hjartabólgan sem hrjáði Dawn hefði valdið öflugu streymi adrenalíns sem orsakaði hjartaáfall. Réttarmeinafræðingurinn Alisin McCormack spurði Ghataura lækni hvort það væri líklegra en ekki að Dawn hefði látist af völdum Covid bóluefnisins.
Hann svaraði: "Já, ég myndi segja það."
Umfjöllunina í heild má finna hér.
