Hversu sjaldgæfar eru þessar sjaldgæfu aukaverkanir sem okkur er sagt að kippa okkur ekki upp við?
Heilbrigðisyfirvöld gera lítið úr auknum fréttum af fólki sem tilkynnir slæmar aukaverkanir í kjölfar þess að hafa verið bólusett gegn covid. Fjölmiðlar sem gefa sig út fyrir að fylgjast vel með keppast um að vera fyrstir á staðinn þegar eitthvað bregður út af eða eitthvað einkennilegt á sér stað. Þeir eru ekki lengi að átta sig á því ef fræg manneskja verður ólétt, ökumaður keyrir of hratt eða köttur týnist af heimili í Garðabæ. Þeir grennslast fyrir um kyn og nafn ófædda barnsins, hversu hratt ökumaðurinn ók og hvort hann fékk sekt, og láta okkur vita um leið og kötturinn er kominn í hendur eigenda sinna. Fjölmiðlar spyrja spurninga!.....en virðast þó ekki leita svara þegar fólk tilkynnir um aukaverkanir og alvarleg veikindi í kjölfar bólusetninga gegn covid.
Af hverju forðast fjölmiðlar að standa vaktina og spyrja mikilvægra spurninga þegar furðulegum fréttum af dularfullum sjúkdómum og einkennum fjölgar meðal bólusettra einstaklinga?
Justin Bieber og kona hans hafa nýlega bæði orðið fyrir barðinu á dularfullum og hættulegum einkennum sem samkvæmt fjölda virtra tímarita, lyfjaframleiðenda og rannsóknarskýrsla gætu verið afleiðingar bóluefna. Væri það ekki í þágu almennings að rannsaka svona athyglisverðar "tilviljanir"? Einkum í ljósi þess að þegar tvær ungar persónur á sama heimili fá bæði sjúkdóma sem ekki eru algengir hjá ungu og heilbrigðu fólki.
Haley Bieber tilkynnti nýlega um að hafa fengið blóðtappa í heila eftir að hún hafði fengið einkenni hjartaáfalls. Hún var flutt með sjúkrabíl á spítala sökum þessa. Það er alls ekki algengt að ungar konur innan þrítugs fái blóðtappa í heila. Hún þarf nú að taka blóðþynningarlyf - kannski um ókomna tíð.
Síðan í mars í fyrra hafa birst fjölmargar opinberar tilkynningar frá fréttaveitum og fagaðilum í heilbrigðisgeiranum um að ein af mögulegum aukaverkunum sprautanna sé myndun blóðtappa. Þá hafa 6.781 tilkynning um blóðtappa borist til eftirlitsnefndar í USA (VAERS) í kjölfar bólusetninga, en ekki næstum öll tilfelli eru tilkynnt til stofnunarinnar, þannig að óvíst er í raun hver réttur fjöldi tilfella er.
Justin Bieber opinberaði nýlega að hann hafi fengið sjaldgæft heilkenni sem nefnist "Ramsey Hunt syndrome". Vírus ræðst á taugar við eyrað og veldur lömun í andliti. Þetta er sérstaklega athyglisvert í ljósi þess að birtar hafa verið læknisfræðilegar tilkynningar (t.d. hjá BMJ, The Lancet, Internal Journal of Infectous Diseases og AARP) um að bóluefnið geti í sumum tilfellum endurvakið herpes-simplex vírus (HSV) eða varicella-zoster vírus (VZV) sem veldur einmitt þeim einkennum (RHS type 2 herpes-zoster oticus) sem Justin Bieber lýsir. VAERS hafa borist 13.997 tilkynningar um slíkar aukaverkanir eftir bólusetningu gegn covid - og enn og aftur er það aðeins brot af raunverulegum fjölda tilfella.
Það sem Bieber hjónin hafa upplifað er eitthvað sem fjöldi ungs fólks er einnig að upplifa í vaxandi mæli. Er hægt að fullyrða að þetta sé vegna bóluefnanna? Auðvitað ekki án tæmandi rannsókna. Eru líkur á því að gríðarleg aukning slíkra tilfella eigi rætur að rekja í bólusetningar með efni á tilraunastigi? Auðvitað er það rökrétt tilgáta. Sérstaklega þegar einn og að því er virðist hinn eini nýji samnefnari meðal fórnarlamba þessara sjaldgæfu sjúkdóma er covid-sprautan.
En hvernig vitum við að Bieber hjónin hafi látið bólusetja sig? Við getum ekki fullyrt það en þó ef vel er að gáð eru ákveðnar vísbendingar um að þau séu bæði bólusett. Í frétt frá The Hollywood Reporter var tilkynnt að söngkonan Nicki Minaj myndi ekki mæta á stjörnuviðburðinn "Met Gala" sökum kröfu viðburðarhaldara um bólusetningavottorð. Hvað hefur það að gera með Bieber-parið? Jú, á myndum frá hátíðinni sást glöggt að þau voru bæði viðstödd þessa hátíð fræga fólksins. Auðvitað getur verið að þau hafi þekkt dyravörðinn eða svindlað sér inn...en það er fremur ólíklegt að þau tækju áhættuna á slíkri hegðun.
Einhverra hluta vegna eru fjölmiðlar ekki að tengja saman fremur augljósar vísbendingar eða þeir eru að forðast að segja okkur alla söguna. Langflestir fjölmiðlar færa okkur fremur einhliða og yfirborðskenndar fréttir þegar kemur að aukaverkunum og "sjaldgæfum" sjúkdómum á covid-tímum. Rannsóknarblaðamennska liggur í undarlegum dvala og heldur fyrir augu, munn og eyru; eins og að enginn vilji lengur illt vita þegar kemur að því að gagnrýna gjöf yfirvalda sem virðist í ljósi líðandi stundar draga stóran dilk á eftir sér.
2 Comments on “Bieber, bólusetningar og blindir blaðamenn”
Ég held að flestir þekki fólk sem hefur fundið fyrir einhverjum aukaverkunum vegna bólusetninga, m.a. móðir mín sem fékk mjög slæm útbrot í margra mánuði. Sjálfur lét ég ekki bólusetja mig, né bræður mínir, og allir höfum við fengið Covid sem lýsti sér sem hálsbólga í 2-3 daga. Það var aldrei þörf fyrir heilbrigt fólk að taka þessa ótrúlegu áhættu að láta bólusetja sig með tilraunar ´bóluefni´, sem virkar ekki! Munið þegar vísindamenn sögðu að þessi bóluefni, bara tvær sprautur, gæfu yfir 90% vernd gegn Covid-sýkingu! Nýlega fékk vinnufélagi minn sem er þrí-bólusettur Covid, og hann sagði að Covid hefðu verið þau verstu veikindi sem hann hafði nokkurn tíma fengið. Fjölmiðlar um allan heim, sem og stjórnmálamenn, ættu að vera sóttir til saka fyrir að vera meðsekir í einhverju mesta blekkingarleik í sögu mannkynsins, allt í þágu djöfullegra manna, eigendur lyfjafyrirtækja, sem græddu milljarða dollara á þessu skelfilega leikriti. En besta vörnin gegn Covid – sem engin talar um – er að taka d-vítamín, sérstaklega á veturnar.
Eru þetta ekki bara allt GLOBAL WARMING ?? 😎😎