Fimm mánuðum eftir að blaðakonan Margaret Menge hjá miðlinum Crossroads Reports skrifaði um forstjóra One America tryggingafélagsins sem tilkynnti að dauðsföll meðal útivinnandi fólks á aldrinum 18 - 64 ára hafi aukist um 40% á þriðja ársfjórðungi 2021, segir blaðakonan nú frá því að mun stærra líftryggingafélag, Lincoln National, tilkynnti um 163% hækkun á dánarbótum sem greiddar voru út vegna hóplíftrygginga árið 2021.

Þessar upplýsingar er að finna í ársreikningum tryggingafélaganna sem voru eingöngu afhentir miðlinum Crossroads Reports sem kallaði eftir opinberum upplýsingum.

Skýrslurnar sýna mun verri stöðu en þá 40% aukningu dauðsfalla á þriðja ársfjórðungi 2021, sem Scott Davison forstjóri One America vitnaði í seint í desember sl., aukningu sem hann sagði eiga við um öll tryggingafélögum. Hann lýsti aukinginunni á þeim tíma sem „fordæmalausri“ og um væri að ræða „gríðarlega háar fjárhæðir,“ þær hæstu sem sést hafa í sögu líftryggingastarfseminnar.

Ársreikningur Lincoln National Life tryggingafélegasins sýnir að félagið greiddi út dánarbætur samkvæmt reglum um hóplíftryggingar fyrir rúmlega 500 milljónir dollara árið 2019, um 548 milljónir dollara árið 2020 (heimsfaraldursárið áður en fjöldabólusetningar hófust) og hvorki meira né minna en 1,4 milljarða dollara árið 2021.

Frá árinu 2019, sem var síðasta hefðbundna árið fyrir heimsfaraldurinn, til ársins 2020, sem var ár Covid-19 veirunnar, var aukning á útgreiddum hóplíftryggingabótum aðeins 9 prósent. Þessar hópdánarbætur á árinu 2021, árinu sem bólusetningar hófust, hækkuðu um 164 prósent frá árinu 2020.

Hér eru nákvæmar tölur fyrir hópdánarbætur sem er að finna í ársreikningi Lincoln National fyrir þrjú ár:

2019: $500.888.808

2020: $547.940.260

2021: $1.445.350.949

Hér neðar eru lykiltölurnar fyrir árið 2021, sem er að finna í ársreikningi fyrirtækisins sem skilað var inn til trygginga- og fjármálaþjónustunnar í Michigan. Tölurnar eiga við öll Bandaríkin, ekki fyrir hvert og eitt ríki.

Lincoln National er fimmta stærsta líftryggingafélag Bandaríkjanna, samkvæmt BankRate, á eftir New York Life, Northwestern Mutual, MetLife og Prudential.

Lincoln National var stofnað í Fort Wayne, Indiana árið 1905, og fékk leyfi frá syni Abraham Lincoln, Robert Todd Lincoln, til að nota nafn föður hans.

Félagið er nú með aðsetur í Radnor, Pennsylvania. Ársreikningar sýna ekki fjölda bótakrafna - aðeins heildarfjárhæð krafna sem greiddar eru.

Hóplíftryggingar ná í flestum tilfellum til fullorðinna einstaklinga á vinnualdri, 18-64 ára, þar sem vinnuveitandi er með líftryggingu fyrir launþega.

Hversu mörg dauðsföll eru inni í þessari 163% aukningu? Ekki er hægt að ákvarða það út frá dollaratölum á ársreikningunum. En meðaldánarbætur fyrir hóplíftryggingar sem vinnuveitandi veitir, samkvæmt félagi mannauðsstjóra, eru eins árs laun.

Ef meðalárslaun fólks sem falla undir hóplíftryggingar í Bandaríkjunum er 70.000 dollarar, gæti það þýtt 20.647 dauðsföll vinnandi fólks, sem aðeins þetta eina tryggingafélag tekur til. Þetta myndi þýða að minnsta kosti 10.000 fleiri dauðsföll en á venjulegu ári, aðeins hjá þessu eina tryggingafélagi.

Ársreikningar fyrir þessi þrjú ár sýna einnig töluverða aukningu á venjulegum dánarbótum, þ.e.a.s. bótum sem greiddar eru einstaklingum.

Fyrir árið 2019, var þessi tala 3,7 milljarðar dollarra. Árið 2020, ár Covid-19 heimsfaraldursins, fór fjárhæðin í 4 milljarða dala, og árið 2021, árið sem næstum 260 milljónir Bandaríkjamanna voru bólusettir, fór fjárhæðin í 5,3 milljarða dala.

Svipaða sögu er einnig að segja frá Þýskalandi sem lesa má um hér.

Nánar má lesa um málið hér: