Í nýrri grein eftir ritstjóra BMJ (British Medical JOurnal), Dr. Peter Doshi og félaga, kemur fram að þeir hafi greint gögn úr Pfizer og Moderna Covid bóluefnarannsóknunum sem sýndu að bóluefnin eru líklegri til að leiða til sjúkrahúsinnlagnar með alvarlegar aukaverkanir heldur en að vernda fólk gegn Covid og halda því frá sjúkrahúsum.

Forprentun rannsóknarinnar (enn ekki ritrýnd) einblínir á alvarlegar aukaverkanir sem eru tilgreindar á „forgangslista yfir mögulegar aukaverkanir sem tengjast COVID-19 bóluefnum“ hjá Alþjóðaheilbrigðisstofnuninni (WHO).

Höfundarnir skoðuðu þær alvarlegu aukaverkanir sem fram komu í „þriðja stigs slembiröðuðum rannsóknum á mRNA COVID-19 bóluefnum“.

Alvarleg aukaverkun var skilgreind samkvæmt aðferðum rannsóknarinnar sem aukaverkun sem leiðir til einhvers af eftirtöldu: dauða, lífshættulegs ástands, sjúkrahúsvistar eða lengingar á sjúkrahúsvist, fötlunar eða fæðingargalla hjá mönnum, klínískt mikilvægs atvik, byggt á mati lækna.

Dr. Doshi og félagar komust að því að Pfizer og Moderna mRNA COVID-19 bóluefnin tengdust aukinni hættu á alvarlegum aukaverkunum; 10,1 tilvik á hverja 10.000 bólusetta fyrir Pfizer og 15,1 tilvik á hverja 10.000 fyrir Moderna (95% CI -0,4 til 20,6 og -3,6 til 33,8, í sömu röð).

Til samans tengdust mRNA bóluefnin áhættuaukningu á alvarlegum aukaverkunum um 12,5 af hverjum 10.000 bólusettum (95% CI 2,1 til 22,9).

Höfundar taka fram að þetta stig á aukinni áhættu eftir bólusetningu er meiri en áhættuminnkun fyrir COVID-19 sjúkrahúsinnlögn í bæði Pfizer og Moderna rannsóknum, sem var 2,3 af hverjum 10.000 þátttakendum fyrir Pfizer og 6,4 af hverjum 10.000 fyrir Moderna. Þetta þýðir að miðað við þennan mælikvarða leiðir Pfizer bóluefnið til nettóaukningar alvarlegra aukaverkana, um 7,8 af hverjum 10.000 bólusettum og Moderna um 8,7 af hverjum 10.000 bólusettum.

Munurinn á niðurstöðum höfunda greinarinnar og niðurstöðum FDA þegar stofnunin samþykkti bóluefnin, taka höfundarnir fram að greining FDA á alvarlegum aukaverkunum „innihélt þúsundir viðbótar þátttakenda með mjög lítilli eftirfylgni, þar af hafði mikill meirihluti aðeins fengið einn skammt“. FDA taldi einnig fólk sem fékk aukaverkanir frekar en einstaka tilvik, þrátt fyrir að það hafi verið tvöfalt fleiri einstaklingar í bóluefnahópnum en í lyfleysuhópnum sem fengu margar alvarlegar aukaverkanir.

Peter Doshi og félagar velta fyrir sér hvar rannsóknir bandarískra stjórnvalda á aukaverkunum séu. Þeir segja að í júlí 2021 hafi FDA tilkynnt um að hafa greint fjórar mögulegar aukaverkanir eftir Pfizer bólusetningu;lungnasegarek, brátt hjartadrep, ónæmisblóðflagnafæð og blóðstorknun í æð - og sagðist stofnunin ætla að rannsaka niðurstöðurnar frekar. Aftur á móti hefur FDA ekki birt neina uppfærslu.

Höfundar taka einnig fram að Sóttvarnarstofnun Bandaríkjanna (CDC) hafi birt verklag snemma árs 2021 um að nota ætti ákveðið hlutfall af tilkynntum aukaverkunum úr VAERS gagnagrunninn (þangað sem fólk tilkynnir aukaverkanir) til að nema ákveðin hættumerki. En FDA hefur enn ekki tilkynnt um slíka rannsókn“.

Peter Doshi og félagar benda á niðurstöður þeirra samrýmast nýlegri forprentun á greiningu á COVID-19 bóluefnarannsóknum Benn et al., sem fundu „engar vísbendingar um minnkun á heildardánartíðni í mRNA bóluefnarannsóknunum“, þar sem 31 dauðsfall var í bóluefnahópum á móti 30 dauðsföllum í lyfleysuhópum (3% aukning; 95% CI 0,63 til 1,71).

Þeir taka fram að rannsókn þeirra takmarkist við þá staðreynd að óunnin gögn úr klínískum rannsóknum á COVID-19 bóluefni eru ekki aðgengileg almenningi og leggja áherslu á að „í ljósi alþjóðlegra lýðheilsuáhrifa sé brýnt að gera öll COVID-19 rannsóknagögn opinber, sérstaklega varðandi alvarlegar aukaverkanir, án frekari tafar.“

Peter Doshi og félagar segja að lokum að þörf sé á formlegu skaða- og ávinningsmati fyrir Covid bóluefni, að teknu tilliti til mismunandi áhættustigs á alvarlegu Covid og alvarlegum aukaverkunum meðal ýmissa aldurs-og þjóðfélaghópa. Helst ætti þetta að byggjast á gögnum einstakra þátttakenda í rannsóknunum, segja þeir, þó að slík gögn séu enn ófáanleg, mörgum til mikils ama.

Þýtt af DailySceptic.