Um 300 hjúkrunarfræðingar og annað sjúkrahússtarfsfólk, sem rekið hafði verið úr starfi fyrir að neita Covid sprautum, stóð á hliðarlínunni og mótmælti á ráðstefnu heilbrigðisráðherra Þýskalands, Karl Lauterbach, í Magdeburg á miðvikudag. Þar var ráðherrann með kynningu sem miðaði að því að fá finna fleira starfsfólk og bæta umönnun sjúklinga.

Lauterbach öskraði á mótmælendur: „Þið hafið ekki lagt neitt af mörkum með vinnu ykkar!“ Hann var púaður niður og flautur og hróp trufluðu ræðu hans.

Í fyrsta lagi þakkaði Lauterbach hjúkrunarstarfsfólkinu í Þýskalandi fyrir það að landið skuli hafa „farið í gegnum heimsfaraldurinn með hætti sem önnur lönd náðu ekki að gera.“

Lauterbach ávarpaði þá óbólusettu hjúkrunarfræðingana: „Þeir sem eru að mótmæla bólusetningum hér hafa ekkert lagt af mörkum til þessa. Þið hafið engan rétt á að vera hér!,“ kallaði hann. „Hér er bólusetta fólkið,“ bætti hann við og benti á hinn hluta hópsins, „sem við eigum allan okkar árangur að þakka.“

Og ennfremur: „Þið hafið ekki lagt neitt af mörkum og mér finnst það svívirðilegt að þið skulið enn hafa taugar til að misnota aðstöðu ykkar mæta á samkomu með fólki sem hefur unnið vinnuna sína!" Lauterbach endurtók: „Vinnuframlag ykkar er einskis virði, ég vil að það komi mjög skýrt fram hér.“

Á föstudaginn sagði Lars Wieg, stjórnarformaður sambands þýskra slökkviliðsmanna: „Það er ekki aðeins rangt sem heilbrigðisráðherrann er að segja, heldur líka kjaftshögg fyrir starfsmenn slökkviliðs- og björgunarsveita.

Hér má sjá myndband af þýska ráðherranum með enskum texta. Handahreyfingar hans hafa vakið athygli: