Þriðji þáttur af Hin hliðin er komin í loftið á Uppkast. Gestir þáttarins eru þær Margrét Ósk Guðbergsdóttir og Rebekka Ósk Sváfnisdóttir.

Margrét Ósk er 36 ára þroskaþjálfi og þriggja barna móðir. Hún fékk AstraZeneca bóluefnið 17. febrúar sl. Það mætti segja að hún hafi fengið alla heimsins kvilla sem mögulega er hægt að fá eftir einn skammt af bóluefni. Hún var áður í toppformi, fór reglulega í líkamsrækt,  hugsaði vel um heilsuna og var nánast aldrei lasin. Hún bíður nú eftir að komast í endurhæfingu á Reykjalundi.

Rebekka Ósk sem var 38 ára þegar hún fékk bóluefnið hefur verið greind með snemmbúin tíðarhvörf í kjölfar bólusetninganna. Rebekka er í forsvari fyrir fjölmennan Facebook-hóp kvenna sem hafa orðið fyrir röskun á tíðarhring í kjölfar bólusetningar. Hún segir að mikil óánægja sé með niðurstöður rannsóknar Landlæknisembættisins og Lyfjastofnunar á þessum aukaverkunum kvennanna. Beinist gagnrýni Rebekku einkum að því að rannsóknarnefndin hafi ekki kallað neinar konur í líkamlega rannsókn heldur aðeins talað við þær í síma.

Þetta og margt fleira er fjallað um í þættinum.

Klippu úr þættinum má sjá hér neðar.