Eftir Helga Örn Viggósson kerfisfræðing:

Læknar eru ábyrgir fyrir sprautunum

Nú þegar öllum má vera ljóst hverslags stórslys Covid bólusetningaherferðin hefur verið, sem reyndar fjölmargir virtir vísindamenn vöruðu við að yrði raunin áður en þær hófust, eru menn í æðstu stöðum víða farnir að flýja ábyrgð og að finna blóraböggla.

Dæmi um þetta er Johannes Rauch, heilbrigðisráðherra Austurríkis, sem á dögunum svaraði fyrirspurn frá þingmönnum um hver bæri ábyrgð á Covid sprautunum með 10 síðna skjali, þar sem hann er greinilega farinn að kikna í hnjáliðunum, því þar þvær hann hendur sínar af tilraunabóluefnunum og skellir skuldinni á læknastéttina. Læknar hefðu átt að standa við skyldur sínar og veita fólki upplýsingar um raunverulega virkni og hættu af tilraunaefnunum, segir hann. Austurríski miðillinn Wochenblick skýrði frá þessu nýlega á meðal annarra:

Ennfremur segir í fréttinni að í svari ráðherrans komi fram að læknar séu skyldugir til að skrá aukaverkanir og vanvirkni efnanna og geri þeir það ekki geti þeir átt von á allt að tveggja milljóna króna sekt. Engar slíkar skráningar hafa verið gerðar í Austurríki af læknum, en samkvæmt frásögn eins læknis bannaði læknafélagið þeim að senda inn skráningar og þeir sem gerðu það myndu missa starfsleyfið. Þá kemur fram í fréttinni að Pfizer hafi dælt 4,5 milljörðum kr. til að „mennta“ lækna í austurríska heilbrigðiskerfinu, bara á árinu 2020.

Fyrirkomulagið í Bandaríkjunum

Í Bandaríkjunum er þessu öfugt farið, þ.e.a.s. skráningar þar eru nær eingöngu gerðar af læknum (83%) og er vanskráningarþátturinn þar mjög stór. Innan við 1% aukaverkana er skráðar í VAERS gagnagrunn yfirvalda samkvæmgt stórri Harvard rannsókn um málið.

Hvað með íslenska lækna?

Hér má lesa grein í læknablaðinu þar sem segir að læknum og hjúkrunarfólki beri siðferðisleg skylda til að tilkynna grun um aukaverkun til Lyfjastofnunar.

Fréttin hefur tekið viðtal og heyrt frá fjölmörgum sem glíma við aukaverkanir eftir Covid sprautur. Í engu tilfelli hafði læknir eða starfsfólk heilbrigðisstofnunar sent inn tilkynningu til Lyfjastofnunar. Það var í öllum tilfellum sjúklingurinn sjálfur.

Eftirminnileg er til dæmis frétt af ungri íslenskri konu sem lamaðist fyrir neðan mitti eftir Covid sprautu. Hún sjálf sjá um, eftir ábendingu, að tilkynna atburðinn til Lyfjastofnunar.

Þá er frásögn Árnýjar Óskar Hauksdóttir athyglisverð. Hún hafði starfað sem sjúkraliði í mörg ár og sagði að eitt af verkum starfsfólks heilbrigðisstofnana í gegnum tíðina hafi verið að senda inn tilkynningar sem þessar og taldi hún því að læknirinn hennar hefði séð um að tilkynna veikindi hennar, sem var ekki raunin. Hún sem hafði verið flutt með sjúkrabíl af bólusetningastað á sjúkrahús, þurfti sjálf að sjá um að senda inn tilkynningu.

Uppgjör faraldursins og fingrabendingar

Nú þegar kemur að uppgjöri faraldursins má reikna með að fingrabendingar sem þessar verði algengar, sem vonandi á endanum leiðir sannleikann í ljós. Spennandi verður að sjá íslenska þingmenn hysja upp um sig buxurnar og gera viðlíka fyrirspurn til íslenska heilbrigðisráðherrans, Willum Þórs Þórssonar.

Kannski verður stofnuð nefnd sem fær það hlutverk að skrifa átta bindna rannsóknarskýrslu, með tilheyrandi kostnaði, um hvað fór úrskeiðis?