„Þú ert að glíma við öflugustu hagsmunaöfl heims og verður hafa í huga áhættuna sem því fylgir“. Þetta voru viðvörunarorð gamals þingflokksfélaga til Andrew Bridgen nokkrum mánuðum áður en hann var rekinn úr Íhaldsflokknum.“

Breski þingmaðurinn Andrew Bridgen sem sparkað var úr Íhaldsflokknum sl. miðvikudag fyrir að ræða bóluefnaskaða og umframdauðsföll eftir Covid sprautur hefur veitt nokkrum þáttastjórnendum viðtöl síðustu daga.

Breskir fjölmiðlar sögðu frá atburðinum, enda varla annað hægt, en íslenskir fjölmiðlar þögðu rétt eins og það þætti ekki fréttnæmt að stjórnmálamenn í nágrannalöndum okkar væru reknir úr stjórnmálaflokkum eftir áratuga flokksstarf og 13 ár á þingi.

Orðið á götunni er að fjölmiðlar vilji ekki veita ástæðu brottrekstursins athygli svo að lesendur fari ekki að skoða nánar mögulegar ástæður fyrir veikindum sínum og/eða aðstandenda, umframdauðsfalla, fjölda bráðkvaddra o.s.frv., þrátt fyrir að orðið á götunni sé líka það að starfsmenn og fyrrverandi starfsmenn íslenskra fjölmiðla séu fórnarlömb tilraunasprautanna sem voru markaðssettar sem „lífsbjörg“ við sjúkdómi sem langflestum er skaðlaus. Fyrrverandi ritstjóri gjaldþrota dagblaðs vildi meira að segja skerða frelsi „óbólusettra“ því þeir væru „klafi á kerfinu,“ svo „hættulegur“ var sjúkdómurinn og svo „áhrifaríkar“ áttu sprauturnar að vera!

Í gær var Bridgen t.d. í viðtali hjá vísindamanninum Dr. John Campell (viðtalið hefur verið fjarlægt af Youtube „vegna brota á skilmálum“ en má finna hér) og í dag hjá fjölmiðlamanninum Neil Oliver sem fylgir hér neðar.

Þeir ræddu brottreksturinn þar sem Bridgen sagði meðal annars að hann hafi fyrir fjórum mánuðum rætt við „gamlan hund“ í Íhaldsflokknum sem hafi í lok samtals þeirra sagt: „það er lítil pólitísk lyst á skoðunum þínum á bóluefninu eins og er, kannski eftir 20 ár, og það má vel vera að sýnt verði fram á að þú hafir rétt fyrir þér.“ Síðustu viðvörunarorð hans til Bridgen voru þau að hann yrði að hafa það í huga að hann væri að glíma við öflugustu hagsmunaöfl heims og alla þá áhættu sem því fylgdi.

Oliver spyr Bridgen þá hvort skilaboð „gamla hundsins“ væru sú að hann ætti að hræðast mögulegar afleiðingar þess að fara gegn þessum hagsmunaöflum. „Já, ég held að það hafi verið skilaboðin og hann hafi verið alveg heiðarlegur með það, en þegar allt kemur til alls að þá var ég kjörinn á þing til að gæta hagsmuna kjósenda minna sem og alls almennings...og svo á ég fjögurra ára gamlan son og hugsaði með mér, "ekki séns" að ég láti hann vera tilraunadýr fyrir bóluefni sem gerir honum alls ekkert gagn, auk þess sem hann hafði þegar fengið Covid,“ sagði Bridgen.

Hætt við bólusetningu smábarna eftir þingræðu Bridgen

Bridgen, sem er menntaður í vísindum og veirufræðum, sagði í viðtali við Fréttina að þann 13. desember sl. hafi hann viðrað áhyggjur sínar í þingsal eftir að Lyfja-og heilbrigðiseftirlitið (MHRA) í Bretlandi hafði óskað eftir því við þingið að Covid bóluefnin yrðu líka gefin smábörnum niður í 6 mánaða aldur. Bridgen sagði að börnunum stafaði engin hætta af Covid en töluverð hætta af tilraunaefninu, auk þess sem bóluefnin yllu meiri skaða en ávinningi og vísaði hann í rannsóknargögn Pfizer sem halda átti leyndum í 75 ár.  Og það vildi svo vel til að ríkisstjórnin lét ekki verða af þessari áætlun með börnin.

Viðtal Olivers við Bridgen er hér: