Af einskærri forvitni skellti ég mér um daginn í mótefnamælingu hjá deCode genetics, Inc., á kostnað okkar skattgreiðenda. Um var að ræða rannsókn undir yfirskriftinni "Skimun sóttvarnalæknis á útbreiðslu COVID-19 með mótefnamælingu hjá Íslenskri erfðagreiningu."

Svo sem ekki frásögu færandi ef ekki væri fyrir það að ég mældist með örlítið af mótefni gegn gaddapróteininu (pan-Ig anti-S1-RBD) þrátt fyrir að ég taldi mig alls "ómengaðan," þ.e.a.s. hvorki sprautaður né sýkst mér vitanlega. Þekki reyndar marga sem hafa fengið smit staðfest (bæði með PCR og mótefnamælingu) án þess að hafa vitað að þeir væru eða hefðu verið "veikir" eins fáránlegt eins og það nú hljómar.

Mælt var mótefni gegn kjarnapróteini (nucleocapsid) veirunnar annars vegar og gaddapróteininu (spike) hins vegar. Þeir sem hafa sýkst eiga að mælast með IgG mótefni gegn báðum á meðan sprautaðir sem ekki hafa sýkst ættu aðeins að mælast með mótefni gegn hinu síðarnefnda.

Skv. útskýringum Landlæknis á þessum mælingum, þá er ég falskt jákvæður og að líkurnar á slíku eru 2/1000 (0,2%). [1] En skýringin gæti líka verið önnur og líklegri, þ.e. að ég hafi "smitast" af gaddapróteinum frá bólusettum og mótefni myndast í kjölfar þess, enda um framandi vaka að ræða.

Staðfest hefur verið í fjölda rannsókna að gaddapróteinið orsakar verstu kóvid sjúkdómseinkennin og sama á við um verstu eiturverkanir tilraunabóluefnanna; því hefur verið lýst sem frumudrepandi eitri (cytotoxic). Öll tilraunabóluefnin sem hafa skilyrt markaðsleyfi hér á landi orsaka að frumur líkamans framleiða þetta eitur í billjónavís og sýnt hefur verið fram á að það getur dreifst út um allan líkamann, m.a. upp í heila, hjarta, lungu, í lifur, eggjastokka, eistu og blóðmerg. Hér má finna ágæta grein sem lýsir þessu á mannamáli: What happens to those billions of Nano Particles you've become host to? 

Ljóst er að ósprautaðir sem verða fyrir gaddapróteinssmiti frá sprautuðum fá aðeins örlítið brot af magninu og að frumum þeirra er ekki fórnað í milljarðavís til að vera verksmiðjur fyrir þetta sjúkdómsvaldandi prótein. Engu að síður þá hafa tugþúsundir ósprautaðra lýst reynslu sinni af því að hafa orðið veikir eftir návist við sprautaða. Sjálfur veit ég um nokkur dæmi frá fyrstu hendi, en í "Issue Briefs" á vef America's Frontline Doctors (AFLDS) [5], segir um þetta í lauslegri þýðingu:

"3. Geta óbólusettir veikst af snertingu við bólusetta?
‍

Bóluefnið framleiðir margar billjónir (trillions) agna af gaddapróteininu í sprautuðum. Sjúklingar sem eru bólusettir geta losað hluta af þessum (gaddapróteins-) ögnum til fólks í nálægð við það. Agnirnar hafa getu til að búa til bólgu og sjúkdóma hjá viðtakandanum. Með öðrum orðum, gaddapróteinin eru sjúkdómsvaldandi („pathogenic“) alveg eins og vírusinn í heild sinni. Það sem veldur mestu áhyggjum er að skyndilega er verið að flæða yfir líkama einstaklings með 13 billjónum af þessum ögnum og gaddapróteinin bindast þéttara en vírusinn í heilu lagi. Vegna líflíkingar (biomimicry) á gaddapróteininu virðist losun (shedding) valda margs konar sjálfsofnæmissjúkdómum (þar sem líkaminn ræðst á eigin vef) hjá sumum einstaklingum. Tilkynnt hefur verið um heim allan tilvik af gollurshússbólgu, ristli, lungnabólgu, blóðtappa í útlimum og heila, Bell's Palsy, blæðingum frá leggöngum og fósturláti hjá óbólusettum einstaklingum sem eru nálægt einstaklingum sem hafa verið bólusettir. Að auki vitum við að gaddapróteinin geta komist framhjá heilaskiljunni (blood-brain barrier), ólíkt hefðbundnum bóluefnum."

Í VAERS, gagnagrunni bandarískra stjórnvalda um aukaverkanir bóluefna, má finna dæmi þar sem "shedding" er á ferðinni, t.d. eitt þar sem 5 mánaða barn á brjósti veikist hastarlega og dó daginn eftir að móðir þess fékk skammt númer tvö af Pfizer. Í skýrslunni segir:

"Patient received second dose of Pfizer vaccine on March 17, 2020 while at work. March 18, 2020 her 5 month old breastfed infant developed a rash and within 24 hours was inconsolable, refusing to eat, and developed a fever. Patient brought baby to local ER where assessments were performed, blood analysis revealed elevated liver enzymes. Infant was hospitalized but continued to decline and passed away. Diagnosis of TTP. No known allergies. No new exposures aside from the mother''s vaccination the previous day."

TTP eða blóðflagnafæðapurpuri með segamyndun, er afar sjaldgæfur sjúkdómar, sem veldur blóðtöppum í smáæðum út um allan líkamann. Skýrsluna í VAERS má lesa í heild hér.

1. Mótefnamælingar gegn SARS-CoV-2 veirunni sem veldur COVID-19

2. Shedding

3. A PHASE 1/2/3, PLACEBO-CONTROLLED, RANDOMIZED, OBSERVER-BLIND, DOSE-FINDING STUDY TO EVALUATE THE SAFETY, TOLERABILITY, IMMUNOGENICITY, AND EFFICACY OF SARS-COV-2 RNA VACCINE CANDIDATES AGAINST COVID-19 IN HEALTHY INDIVIDUALS -

4. Cutting Edge: Circulating Exosomes with COVID Spike Protein Are Induced by BNT162b2 (Pfizer–BioNTech) Vaccination prior to Development of Antibodies: A Novel Mechanism for Immune Activation by mRNA Vaccines -

5. Issue Briefs

6. I-RECOVER