Guðmundur Karl Snæbjörnsson læknir var gestur Arnþrúðar Karlsdóttir á Útvarpi Sögu í vikunni þar sem hann sagði frá vinnuferð á sjúkrahúsi í Svíþjóð þar sem fjöldi ungs fólks kom á sjúkrahúsið með alvarlegar aukaverkanir eftir Covid sprautur.

Guðmundur sagði til dæmis frá tilfelli sem var honum minnisstætt. Um var að ræða unga móður, 29 ára gamla, sem var alvarlega veik eftir sprauturnar. Hún gat ekki gengið upp á milli hæða án þess að að hvíla sig á milli, gat ekki farið út í búð og ekki haldið á ungum börnum sínum. Tilfellin sem Guðmundur varð vitni að voru mörg.

„Þetta var ekkert eitt tilfelli heldur voru þau mörg og suma dagana komu nokkrir sjúklingar og þetta voru allt afleiðingar af völdum bóluefnanna,“ segir Guðmundur.

Þegar hann hafði skoðað konuna ákvað hann að senda hana í nánari rannsóknir og í ljós kom að hún væri með útbreiddar breytingar á báðum lungum, breytingar á hjarta, svo sem vökva í hjartaserk sem eru merki um hjartasjúkdóm og einnig voru breytingar á innkirtlum.

Guðmundur Karl segir að það þýði ekkert fyrir yfirvöld að halda því fram að ekki sé um tilraunalyf að ræða því efnin séu á skilyrtu markaðsleyfi og þá séu allar ekki aukaverkanir þekktar.

„Það er verið að blekkja fólk með því að segja að þetta séu ekki tilraunalyf,“ sagði Guðmundur læknir.

Viðtalið má hlusta á hér.