Í nýlegu viðtali viðurkenni yfirmaður hinnar dönsku Sundhedsstyrelse, sem er ígildi embættis landlæknis á Íslandi, Søren Brostrøm, að bólusetning barna hefði ekki skilað árangri og að ef taka ætti ákvörðun um slíkt í dag yrði ákveðið að sprauta ekki ungmenni gegn COVID-19.

„Eftir á að hyggja fengum við ekki mikið út úr því að bólusetja börnin, sagði Brostrøm  á TV 2.“

Danir mæltu með bólusetningu barna á aldrinum 5-11 ára og um helmingur danskra barna í þessum aldurshópi var sprautaður.

Á Íslandi er hlutfallið tæplega 60%. Norðmenn og Svíar mæltu ekki með almennri bólusetningu þessa aldurshóps.

Í Bandaríkjunum er nú byrjað að sprauta börn niður í 6 mánaða aldur þótt grafalvarlegar athugasemdir hafi verið gerðar við prófanir á innihaldi sprautanna fyrir yngsta aldurshópinn, frá 6 mánaða til 5 ára, meðal annars af blaðamanninum Alex Berenson. Flórída mælir þó gegn bólusetningu yngstu barnanna.

Landæknir Flórída segir að ríkið taki meira mark á tölfræði og gögnum heldur en hugmyndfræði í þessu máli.

Þá hafa samtökin HART á Bretlandi greint rannsókn Pfizer á yngsta aldurhsópnum og bent á að 75% barnanna hættu í miðri rannsókn, sem hefði átt að nægja til að ógilda hana. Í lokin voru rannsóknaraðilar að bera saman þrjú börn í bóluefnahópnum sem voru með Covid og sjö í lyfleysuhópnum sem hlýtur að vekja upp spurningar.