Tilkynningum um aukaverkanir lyfja fjölgaði verulega í Svíþjóð á síðasta ári, í rúmlega 99.000 samkvæmt tölfræði sænsku Lyfjastofnunar, segir í frétt frá stofnuninni. Það er tíföldun frá því sem eðlilegt er.

Meirihlutinn, eða 90.732 tilkynningar, varðaði grunaðar aukaverkanir af Covid-19 bóluefni. Aðeins 8.479 voru fyrir önnur lyf.

„Við höfum hvatt alla sem hafa verið bólusettir til að tilkynna grunaðar aukaverkanir. Þökk sé tilkynningum, þá hefur okkur tekist að finna nýjar óvenjulegar aukaverkanir sem hafa stuðlað að aukinni þekkingu um bóluefnin og hvernig ætti að nota þau.“ segir Veronica Arthurson, yfirmaður hjá Lyfjastofnuninni, í fréttatilkynningu.

11.951 tilkynningar eru flokkaðar sem alvarlegar. Í 458 tilkynningum var að minnsta kosti ein af aukaverkununum grunuð um að hafa valdið dauða.

„Tilkynningarnar eru mjög dýrmætar og stuðla að því að auka heildarþekkingu um bóluefni og lyfjaöryggi,“ segir Arthurson.