Unglingsstúlka í Kaliforníu, sem eitt sinn skilgreindi sig sem transdreng, tók hormóna og gekkst undir aðgerðir til að skipta um kyn, talar nú fyrir nýjum lögum í Flórída sem hindra að sjúkratryggingar greiði fyrir kynskiptiaðgerðir.

„Ég skildi í raun ekki allar afleiðingar þeirra kynskiptiaðgerða sem ég var að undirgangast,“ sagði Chloe Cole, 17 ára, á opnum fundi á föstudag. Hún sagðist hafa verið í ferlinu frá 13 til 16 ára, og farið í svokallaða bælingameðferð (bælir kynþroska), fengið testósterón og farið í aðgerð til að láta fjarlægja brjóstin,  þegar hún var 15 ára, sem var mjög sársaukafullt,“ segir Cole.

„Ég veit ekki hvort ég get borið barn og ég gæti verið í aukinni hættu á að fá ákveðna tegund krabbameins, þá aðallega leghálskrabbamein,“ sagði Cole á sérstökum einkafundi með Joseph Ladapo, landlækni Flórída, á föstudag. sem Ladapo birti á Twitter á sunnudag. „Og vegna þess að ég er ekki með brjóst, get ég ekki haft barn á brjósti, ef ég skyldi ná að eignast börn í framtíðinni,“ sagði stúlkan.

„Þegar ég áttaði mig á þessu, varð mér ljóst að þetta væri ekki leiðin sem ég hefði átt að fara. Ekkert barn ætti að þurfa að upplifa það sem ég hef þurft að upplifa,“ bætti Cole við.

Þegar Cole var spurð hvað hún myndi segja við almenning, sagði hún: „Ekki gera börnunum ykkar þetta, ekki skipta um kyn.

„Ef þú ert að íhuga að skipta um kyn, vinsamlegast bíddu þar til þú ert fullorðinn,“ sagði Cole, en Twitter-aðgangur hennar er @ChoooCole, og hún sagði við Fox News Digital. „Kynskipti geta skaðað líkama þinn og huga á þann hátt sem við skiljum kannski ekki alveg.“

Dr. Michael Laidlaw, sjálfstæður innkirtlafræðingur í Kaliforníu, segir að með því að hamla eðlilegum kynþroska geti það haft í för með sér fjölmargar slæmar afleiðingar. Þar má nefna hömlun á eðlilegum beinþroska, truflun á eðlilegum heila- og félagsþroska, og ekki síst ófrjósemi og kynlífsvandamál. Mörg þessara áhrifa verða óafturkræf, segir Laidlaw.

Dr. Matthew Benson, vitnaði í rannsóknir frá Svíþjóð og Danmörku sem sýndu sérstaklega háa tíðni sjálfsvíga meðal fólks sem fór í kynskiptiaðgerðir og komst að þeirri niðurstöðu að það þurfi betri rannsóknir. „Við þurfum langtímarannsóknir þar sem við getum skoðað skaðleg áhrif kynskiptiaðgerða. Við þurfum miklu traustari gögn til að réttlæta mjög öflugar meðferðir af þessu tagi,“ segir Benson.

Viðtalið við Chloe Cole má sjá hér neðar.

Greinina í fullri lengd má lesa hér.