Jacinda Ardern, forsætisráðherra Nýja-Sjálands, var staðráðin í að vernda heilsu landans. Hún skellti öllu í lás til að halda veirunni í skefjum. Og þótt það yrði erfitt um stund, myndi landið og efnahagur þess verða mun sterkari en flestir keppinautar þess, sagði Ardern.

Þegar Covid-19 faraldurinn reið yfir var Ardern hrósað mikið fyrir skynsamlega og vísindalega nálgun sína á veirunni. Hún var sögð takast á við vandanna miklu betur en nokkur annar, var okkur sagt aftur og aftur - Nýja Sjáland var fyrirmyndin.

En nú blasir kostnaðurinn við,  Nýja Sjáland er að sigla inn í harkalegan samdrátt. Traust fyrirtæki eru að hrynja, húsnæðisverð í frjálsu falli og seðlabankinn er að hækka vexti hraðar en nokkur annar seðlabanki á Vesturlöndum.

Það er ekki hægt að loka landi án þess að valda langtíma skaða á efnahag þess. Hvort ZERO-Covid stefnan hafi verið rétt eða röng verður deiluefni til framtíðar en það er engin spurning um það að efnahagskostnaðurinn hefur litið dagsins ljós - og hann er hár.

Þegar Covid-19 breiddist út um allan heim reyndi Ardern að hafa stjórn á málunum í þeim tilgangi  að útrýma veirunni.

Landið var í raun innsiglað, með strangri sóttkví fyrir alla sem komu til landsins, viðamiklum sýnatökum og hörðum lokunaraðgerðum.

Sagt var að Ardern væri sönnun þess að konur höndluðu heimsfaraldurinn betur en karlkyns leiðtogar.

Á einum tímapunkti virkuðu aðgerðirnar, og þegar um er að ræða litla afskekkta eyju hjálpar það auðvitað til. Nýja Sjáland var með mun lægri sýkingartíðni og dauðsföll, að sjálfsögðu, og tókst að halda veirunni í skefjum þar til bóluefnin voru fáanleg.

Vandinn er að efnahagskostnaðurinn er nú að koma fram. Nýsjálendingar sem áður bjuggu við öfundsverðan hagvöxt í 20 ár og farsælt efnahagslíf, er núna að detta inn í harkalegan samdrátt.

Nýjustu gögnin frá Nýja Sjálandi eru skelfileg. Seðlabanki landsins spáði því í síðustu viku að hagkerfið myndi fara í mikla niðursveiflu á næsta ári eftir að niðurstöður könnunar sýndu að traust fyrirtækja væri að lækka á ógnarhraða.

Dánartíðni nánast tvöfaldaðist með tilkomu bóluefnanna

Í þessu sambandi er líka rétt að taka fram að dánartíðni meðal 60 ára og eldri á Nýja Sjálandi rauk upp samhliða bólusetningum og nánast tvöfaldaðist. Því er spurning hversu mörgum var bjargað með því að loka landinu.

Nýja Sjáland er mjög áhugaverð raunheimstilraun um öryggi Covid bóluefnanna. Eftir að landið einangraði sig frá umheiminum og útrýmdi þannig Covid, fóru yfirvöld í landinu samt sem áður í fjöldabólusetningaherferð. Og eins og áður segir, tvöfaldaðist nánast dánartíðni 60 ára og eldri. Ein af ástæðum þess að ríki heims beittu lokunum, sóttkví og einangrun var til að verja eldri borgara.