Fjöldi alvarlegra aukaverkana af Pfizer-BioNTech COVID-19 bóluefninu var rúmlega fjórum sinnum meiri en fjöldi þeirra barna sem þurfti súrefnismeðferð til að jafna sig af veirunni. Þetta kemur fram í rannsókn sem birt er í læknatímaritinu New England Journal of Medicine (NEJM) 20. júllí sl. og tók til rúmlega 250 þúsund barna á aldrinum 5 til 11 ára.

Gögnin vekja upp spurningar um greiningu á áhættu og ávinningi á COVID-19 sprautum fyrir börn á aldrinum 5 til 11 ára, segir Dr. John Campbell, kennari í hjúkrunarfræðum á Bretlandi sem skoðaði gögnin í rannsókninni.

„Við skulum vona að stjórnmálamenn séu fullkomlega meðvitaðir um þessi gögn,“ sagði Campbell, sem í þýskum og breskum fjölmiðlum er lýst sem sérfræðingi í stjórnun bólusetninga.

Rannsóknin er byggð á gögnum sem safnað var í Singapúr frá 21. janúar til 8. apríl, þegar Omicron afbrigðið var i hraðri útbreiðslu. 22 tilfelli voru af alvarlegum aukaverkunum af Pfizer bóluefninu hjá börnum á aldrinum 5 til 11 ára en aðeins fimm tilfelli þar sem börn þurftu súrefnismeðferð vegna Covid veikinda.

Öll börnin nema eitt sem fengu súrefnismeðferð voru að hluta eða fullu bólusett, sem bendir til þess að bóluefnið veiti enga vörn gegn þörf á súrefnismeðferð, sagði Campbell.

Höfundar rannsóknarinnar sögðu að „af þeim börnum sem lögð voru inn á sjúkrahús, þurftu aðeins fimm þeirra súrefni, þar af fjögur sem voru á gjörgæslu. Af þessum fimm börnum var eitt barn óbólusett, tvö voru bólusett að hluta og tvö að fullu.“

„Engin dauðsföll sem rekja mátti til COVID-19 (skv. skráðri dánarorsök heilbrigðisráðuneytisins) komu fram á rannsóknartímabilinu.

Um niðurstöður rannsóknarinnar sem segir þrátt fyrir allt að Covid bólusetningar veiti börnunum vernd má lesa hér.