Hinn 18. júlí sl. birti Arnar Þór Jónsson lögmaður og fyrrv. dómari opið bréf í Morgunblaðinu til lækna þar sem hann segist ít­rekað hafa kallað eft­ir því að ís­lensk­ir lækn­ar svari því op­in­ber­lega hvort svo­nefnd „bólu­efni“ gegn C19 væru ör­ugg og ár­ang­urs­rík. „Þeim áskor­un­um hef­ur verið svarað með ær­andi þögn,“ skrifar Arnar.

Í bréfinu kallar hann enn eft­ir slíkri yf­ir­lýs­ingu frá þeim sem harðast hafa gengið fram í að aug­lýsa um­rædd lyf. „Skýra þarf hvort menn hafa mælt slíkt fram sem lækn­ar eða dul­bún­ir lyfsal­ar. Í fram­haldi þarf að ræða heiðarlega um bein og óbein áhrif lyfja­fyr­ir­tækja, eig­enda sam­fé­lags­miðla og annarra hags­munaaðila á það sem á að heita lýðræðis­leg og ábyrg stefnu­mörk­un ís­lenskra yf­ir­valda í þágu lýðheilsu og al­manna­heilla.“

Engin yfirlýsing frá barnalæknunum?

Í þessu sambandi mætti til dæmis benda á barnalæknanna Ásgeir Haraldsson og Valtýr Stefánsson Thors sem báðir sögðu nauðsynlegt að sprauta börnin með Covid sprautuefnum, og það eftir að þeir tveir höfðu lokið við rannsókn á Covid og íslenskum börnum sem birtist í tímaritinu The Pediatric Infectious Disease Journal 8. júlí sl. 

Í rannsókninni kemur fram að börn hafi átt lítinn þátt í útbreiðslu faraldursins og að aldrei hafi verið mikil útbreiðsla smita í skólum, 65% barna smituðust á heimili (af heimilismanni), en aðeins 12% í skóla eða dagvistun. Ekkert barn varð alvarlega veikt eða þurfti á innlögn að halda á rannsóknartímabilinu. Rannsóknin sem unnin var á tímabilinu febrúar 2020 til ágúst 2021, studdi þar með niðurstöður umfangsmikillar sænskrar rannsóknar sem gerð var 2020 á tæpum tveimur milljónum barna.

Fyrsta barnið, af fréttum að dæma, sem lagt var inn með Covid var 14 ára drengur sem fékk blóðtappa í lungu stuttu eftir að hafa fengið bóluefnið.

Í janúar 2022 mæltu barnalæknarnir tveir, Ásgeir og Valýtr, samt sem áður með Covid „bólusetningu“ barna.  Samræmast slík meðmæli kröfum læknavísindanna, um mat á áhættu vs. ávinning af lyfjagjöf ? Fyrir liggur að Lyfjastofnun hafði þegar á þessum tíma fengið tilkynningar um alvarlegar aukaverkanir hjá börnum eftir sprauturnar.

Í dag eru tilkynntar alvarlegar aukaverkanir meðal barna 11 talsins hérlendis. Sú tala er auðvitað alvarleg í þessum samanburði og talan er enn alvarlegri ef tekið er mið að því að innan við 10% aukaverkana af lyfjum séu tilkynntar. Um það má lesa nánar hér.

Eru „bóluefnin“ sem sagt ekki örugg eftir allt saman?

Þrátt fyrir áskoranir Arnars hefur engin yfirlýsing um öryggi bóluefnanna komið fram, hvorki frá læknum almennt né landlækni, sóttvarnalækni eða Kára Stefánssyni sem er menntaður læknir og sagði bóluefnin feikilega lofandi og að þau kæmu í veg fyrir smit í yfir 90% tilfella. Hvar er Kári í dag - er hann sjálfur búinn að fara í fjórar sprautur eins og margir jafnaldrar hans? Hefur hann enn áhyggjur af veirunni? Ætti þjóðin kannski að hafa áhyggjur af Kára?

Hvað með Tómas Guðbjartsson lækni sem var í Sprengisandi með Arnari í desember 2021, þar sem Tómas ýkti hættuna af veirunni en gerði lítið úr hættunni af „bóluefnunum.“ Vill hann ekki senda frá sér yfirlýsingu?

Tóm­as byrjaði þátt­inn á að segj­ast vera mót­fall­inn bólu­setn­ing­ar­skyldu en hann, sem lækn­ir, mælti með bólu­setn­ing­um barna miðað við þau gögn sem væru uppi á borðum. Mælir hann enn með Covid „bóluefnum“ fyrir börnin.  Er Tómas enn með kjánahroll?

Hér má hlusta á þáttinn þar sem Arnar spyr Tómas m.a. um öryggi efnanna en Tómas víkur sér undan að svara því beint út. Mun þessi þáttur hugsanlega hafa sögulegt gildi þegar fram líður?