Ástralskur læknir var um helgina leiddur út af öryggisvörðum á ráðstefnu áströlsku læknasamtakana, AMA, í Sydney.

Læknirinn Willian Bay frá Queensland, tók hljóðnemann og „talaði gegn Covid-sprautum“ eins og fréttastöðin 7NEWS í Ástralíu orðaði það.

Meðal ræðumanna voru þeir Anthony Fauci, helsti ráðgjafi Biden stjórnarinnar í sóttvarnarmálum, og Paul Kelly landlæknir Ástrala.

Bay tók hljóðnemann og kynnti sig sem lækni frá Queensland og sagðist vera á ráðstefnunni í dag til að biðja kollega sína í Ástralíu um að standa með fólkinu í landinu og hætta að neyða það til að taka bóluefnið, það væri að drepa fólk.

Bay sagði jafnframt Paul Kelly landlækni vera lygara sem væri að plata læknana, það væri aðeins 0,27% dánarlíkur af Covid sýkingum og samkvæmt nýjum rannsóknum veiti náttúruleg sýking 97,3% varanlega vernd gegn öllum afbrigðum kórónuveirunnar.

„Og þið læknar í Ástralíu hafið verið varaðir við....fólkið þarf á ykkur að halda, ekki bregðast því, ekki láta það skaðast af bóluefnunum,“ sagði Bay.

Fjöldi lækna klæddir sóttvarnargrímum gengu út úr salnum og William Bay var leiddur út af öryggisvörðunum, en hann hélt áfram ræðu sinni á útleið og sagði að Paul Kelly landlæknir ætti að skammast sín fyrir skrípaleikinn.

Bay þakkaði vörðunum fyrir að fara um sig mjúkum höndum, en hélt áfram og sagði Kelly og læknasamtök Ástralíu vera hræsnara og að þeir létu eins og það væri Covid sem væri fólkinu hættulegt en ekki Covid sprautuefnið... „það veldur hjartavöðva- og gollurshússbólgu, heilablóðfalli, heilabilun o.fl.,“ sagði William Bay læknir.

Hann hélt áfram með ræðu sína fyrir utan ráðstefnustaðinn.

Uppákomuna má sjá hér neðar: