Fram kom í fréttum RÚV í gær að líklega hafi tvisvar sinnum fleiri látist úr Covid á síðasta ári en áður var talið, eða um fjögur hundruð alls.

Guðrún Aspelund, sóttvarnalæknir, sagði í kvöldfréttum RÚV fátt annað en Covid geta skýrt umframdauðsföllin „það væri ekkert annað komið fram sem skýri þessi andlát nema Covid og það væri af og frá að bóluefnin hafi leitt til fleiri andláta, heldur þvert á móti dregið úr þeim.“

Þegar ljóst var að „bóluefnin“ (sem eru í raun erfðabreytt líftæknilyf og höfðu aldrei áður verið notuð á mannfólki) mynduðu ekkert hjarðónæmi, heldur þvert á móti, náðu smitin metfjölda, var söguþræðinum breytt og lyfin sögð koma í veg fyrir alvarleg veikindi og dauðsföll.

Smit náðu methæðum eftir bólusetningaherferðina 2021

Í júlí 2021 sagði Þórólfur Guðnason þáverandi sóttvarnalæknir: „Ég verð bara að játa það að auðvitað eru það vonbrigði að bóluefnin skuli ekki vernda betur gegn smiti. Í upphaflegu rannsóknunum var talað um að virknin til að koma í veg fyrir smit væri 80-90% eftir fulla bólusetningu.“

Voru Þórólfur og íslensk heilbrigðisyfirvöld plötuð? Því eins og fram kom í Evrópuþinginu í október sl. sagði stjórnandi hjá Pfizer, að aldrei hafi verið prófað hvort „bóluefnin“ kæmu í veg fyrir smit, til þess gafst ekki tími. (Pfizer er það „bóluefni“ sem íslenska ríkið hefur keypt mest af eða 1,4 milljónir skammta.)

Var Kári Stefánsson líka plataður? Hann vildi reyna að fá „bóluefnið“ fyrr til landsins í skiptum fyrir tilraun á íslensku þjóðinni. „Þar með væri hægt að bólusetja um 60% fullorðinna landsmanna og skapa hjarðónæmi gegn kórónuveirunni, sagði Kári í lok árs 2020.

Eða sögðu lyfjafyrirtækin ríkisstjórnum heims sannleikann um að „bóluefnin“ væru gagnslaus og ríkisstjórnirnar lugu að fólkinu sínu eins og evrópuþingkonan Christine Anderson spurði varaforseta AstraZeneca í Evrópuþinginu sl. haust?

Eins og áður segir var sögunni breytt þegar ekkert varð hjarðónæmið. Þá áttu lyfin að vernda fólk gegn alvarlegum veikindum og dauða! Nú er búið að sprauta rétt tæplega 800 þúsundum skömmtum í landsmenn og eldri hóparnir fengið fjórar til fimm sprautur en „hrynja niður úr Covid,“ sem aldrei fyrr. Og heilsa landsmanna sjaldan verið verri.

Eftir stendur að fíllinn á skrifstofu landlæknisembættisins er margbólusettur og gæti dáði skyndilega. Síðan er annar fíll í næsta herbegi og sá er „óbólusettur“. Hann er við ágætis heilsu; ekki með strepptókkokasýkingu, hjartavöðvabólgu, blóðtappa, andlitslömum, krabbamein, Guillain Barré, alnæmi, o.s.frv.

Því skal síðan haldið til haga að landlæknisembættið og Landspítalinn segjast ekki lengur geta gefið upp bólusetningastöðu þeirra sem hafa látist af Covid. Þær upplýsingar myndu eflaust sýna að fólkið sem er „að deyja úr Covid“ er „fullbólusett,“ „fullörvað,“ og það vita landlæknir, sóttvarnarlæknir, Landspítalinn og fleiri. Englendingar vita það líka.