Hagstofa Evrópu, Eurostat, gefur mánaðarlega út tölur um umframdauðsföll og hefur sent frá sér skýrslu fyrir desember 2022. Ísland trónir þar á toppnum með 43% umframdauðsföll.

Hæsta hlutfallið hjá ríkjum innan Evrópusambandsins í desember var í Þýskalandi (+37%), Austurríki (+27%), Slóveníu (+26 %) og Írland og Frakkland með (+25%). Meðaltalið í Evrópu var 19% og Ísland því langt umfram það.

Samkvæmt svari frá landlækni er beðið eftir krufningaskýrslum svo hægt sé að ljúka við dánarmeinaskrá fyrir 2022. Spurt var hver væri hugsanleg skýring þessara miklu dauðsfalla.

Skaðsemi Covid sprautanna og umframdauðsföll

Fréttin.is hefur birt fjöldi frétta þar sem bent er á skaðsemi Covid sprautuefna og að sýnt hafi verið fram á tengsl umframdauðsfalla og sprautuherferða í „mikið bólusettum löndum.“ Þetta sást t.d. fljótlega í Ástralíu. Hér má einnig lesa meira um tengslin og hér um aukningu á hjartavanda fólks frá því að byrjað var að „bólusetja“.

Þá hefur Guðmundur Karl Snæbjörnsson læknir bent á hættuna sem stafar af Covid sprautunum.

Þeir sem fylgjast með dánartilkynningum og minningargreinum í íslenskum fjölmiðlum hafa einnig haft orð á því að óvenju mikill fjöldi fólks sé að deyja, ekki bara eldri borgarar heldur einnig fólk á „besta aldri.“ Samkvæmt upplýsingum frá útfararstofu í Hafnarfirði og tölum frá skrifstofu Kirkjugarðanna voru um 20% fleiri andlát í janúar sl. miðað við meðaltal í janúarmánuðum síðustu 10 ára.

Gefa ekki lengur upp bólusetningastöðu

Landlæknisembættið gefur ekki lengur upp bólusetningastöðu þeirra Covid-látnu eins og gert var í upphafi faraldurs. Byrjað var að gefa Íslendingum „uppfært Covid bóluefni“ síðasta haust. Heilsugæslan á höfuðborgarsvæðinu hefur auglýst „bóluefnið“ í fjölmiðlum fyrir 60 ára og eldri en efnið var aldrei rannsakað á mannfólki, aðeins átta músum. Þrátt fyrir það er það sagt vera öruggt.