Stofnunin Bill & Melinda Gates Foundation gefur árlega milljónir dollara til frjálsra félagasamtaka sem halda því fram að börn fæðist sem kynverur og ættu, yngri en 10 ára,  að fræðast um „kynlífsviðskipti.“

Bandarísku félagasamtökin The International Planned Parenthood Federation (IPPF) hefur veruleg áhrif á kynfræðslu á heimsvísu. Samtökin samanstanda af 120 sjálfstæðum einingum í yfir 146 löndum og hafa fengið, þar á meðal í Evrópu,  yfir 80 milljónir dollara (rúmlega einn milljarð króna) frá Bill Gates. Annar þekktur styrktaraðili IPPF er Alþjóðaheilbrigðismálastofnunin (WHO) sem fær sínar tekjur frá aðildarríkjum.

Fræðsluefni IPPF sem gefið var út árið 2017 veitti innsýn í þá kynfræðslu sem félagasamtökin kenna börnum um allan heim.

„Kynferðislegar athafnir geta verið hluti af ýmis konar samböndum; hjá pörum, í hjónabandi eða kynlífsvinnu í atvinnuskyni, o.fl.“ sagði IPPF varðandi kennsluefni barna undir 10 ára. Nicole Solas frá samtökunum Independent Women's Forum vakti fyrst athygli á þessu.

Einnig ætti að segja börnum yngri en 10 ára: „Þegar þú verður stór gætirðu byrjað að hafa áhuga á fólki með ýmis konar kynvitund,“ segir í kennsluefninu.

IPPF nefna það margoft í kennsluefni sínu að börn fæðist sem kynverur og að börnum undir 10 ára ætti að kenna að: „kynlíf er hluti af sjálfum þér frá því augnabliki sem þú fæðist. Kynhneigð þín þróast og breytist í gegnum lífið... og að að manneskjur, þar á meðal unglingar og ungt fólk, eru sjálfstæðar kynverur."

Samkvæmt samtökunum, eiga þeir sem kenna kynfræðslu að hafa skilning á því að ungmenni séu kynverur.

Bill & Melinda Gates Foundation styrkti IPPF samtökin bæði á árunum áður og eftir að skýrslan var gefin út árið 2017.

IPPF samtökin voru upphaflega stofnuð af Margaret Sanger á fimmta áratugnum sem var hlynnt erfðabótum (e. eugenics).

Nánar má lesa um fréttina hér.