„Ég hef ekki leyfi til að lögsækja Pfizer af einhverjum ástæðum. Það í sjálfu sér segir mér að þeir vissu að fólk væri að fara að deyja og þeir bera enga ábyrgð.“
Þann 17. janúar 2022 hélt heilbrigðisráð Toronto fjarfund til að fjalla um viðbrögð borgarinnar við Covid. Ráðstefnan var opin almenningi og þar komu fram fyrirlesarar sem deildu skoðunum sínum um nálgun stjórnvalda í Toronto við faraldrinum.
Dan Hartman sagði heilbrigðisráðinu að 17 ára sonur hans hefði látist af völdum Pfizer sprautu sem hann hafði fengið. Syrgjandi faðirinn útskýrði að sonur hans, Sean, hafi fengið slæmar aukaverkanir eftir fyrstu sprautuna og dáið aðeins mánuði síðar. Sean fór í bólusetningu eingöngu til að geta spilað íshokkí á leikvangi þar sem skilyrði var að vera bólusettur.
Þrátt fyrir að Dan hafi verið boðið að tala á fundinum eftir að stjórnin frétti af andláti sonar hans vegna bóluefnisins, fjarlægði heilbrigðisráðið vitnisburð föðurins eftir fundinn.
Krufningarskýrsla – andlát vegna bóluefnisins
Hartman útskýrði fyrir stjórninni að krufning sýndi að hjarta sonar hans hefði „stækkað örlítið“ en ekki var dánarorsök ákvörðuð með vissu.
Hartman var ekki ánægður með þennan skort á svörum og sendi krufningarskýrsluna til þekkts meinafræðings sem vildi vera nafnlaus af ótta við að missa vinnuna. Þessi meinafræðingur telur að Sean hafi látist af völdum mRNA bóluefnisins.
Það er eitthvað að þessu bóluefni
„Ég veit í hjarta mínu og sál; ég trúi því sem síðari meinafræðingurinn sagði að bóluefnið hafi drepið son minn“ sagði hann. „Þetta er ekki sjaldgæft eins og allir halda. Þetta er að gerast; það er á Twitter á hverjum degi; fólk er að deyja af þessum efnum. Ég er alls ekki á móti bóluefnum, ég er það í rauninni ekki, en ég held að það sé eitthvað að þessu bóluefni."
Hann sagði ennfremur við heilbrigðisráðið: „Sonur minn hefur spilað íshokkí síðan hann var átta ára. Hann ákvað að hætta í eitt ár vegna Covid en fór að leiðast. Hann ákvað því að byrja að spila íshokkí aftur á þessu ári en þurfti fyrst að vera bólusettur.
Hartman sagði að sonur hans hefði á endanum farið í bólusetninguna til að mega spila íshokkí vegna kröfunnar um slíkt sem minni hokkísambönd hafa sett í Ontario héraði. Leikmenn 12 ára og eldri þurfa að sýna fram á staðfestingu á bólusetningu til að mega spila.
Þann 25. ágúst fékk Sean sína fyrstu Pfizer bólusetningu. En því miður endaði hann á sjúkrahúsi 29. ágúst vegna aukaverkana.
Sean hafði brennandi áhuga á íþróttum, sérstaklega íshokkí. Hann byrjaði íshokkíferil sinn með því að spila fyrir Beeton Stingers og síðan fór hann að spila fyrir TNT í Alliston.
Beeton Athletic heiðraði 17 ára strákinn með þessari Facebookfærslu.
Afneita dauða hans
„Hann fékk sitt sína fyrstu Pfizer bólusetningu 25. ágúst,“ hélt faðirinn áfram. „Fór á sjúkrahúsið 29. ágúst vegna slæmra aukaverkana, hann var sendur heim með lyfseðil fyrir Advil verkjatöflum, hann var með útbrot um allan hálsinn og andlitið og brúna bauga í kringum augun.“
Faðirinn lýsti síðan dauða sonar síns með tárum eftir viðbrögð hans við Pfizer bólusetningunni: „Að morgni 27. september fann móðir hans hann látinn á gólfinu. Það eina sem hann vildi gera var að spila íshokkí."
„Enginn talar um dauðsföllin. Það gerist oftar en nokkur heldur, og því er bara neitað,“ sagði Hartman. Faðirinn var síðan spurður um næstu skref eftir að hafa heyrt frá meinafræðingnum um að bóluefnið hafi valdið dauða sonar hans.
„Ég hef ekki leyfi til að lögsækja Pfizer af einhverjum ástæðum. Það í sjálfu sér segir mér að þeir vissu að fólk væri að fara að deyja og þeir bera enga ábyrgð.“
Hvers vegna fjarlægði heilbrigðisráðið vitnisburð föðurins?
Julie Lavertu, ritari heilbrigðisráðsins, staðhæfir að ráðið hafi fjarlægt vitnisburð föðurins vegna þess að hann hafi „upplýst án leyfis um persónulegar heilsufarsupplýsingar einstaklings undir lögaldri“.
Hinn „ólögráða einstaklingur“ sem ritari ráðuneytisins vísar til er sonur Harmtann sem talinn er hafa látist vegna „bóluefnisins.“ Eini tilgangurinn með vitnisburði föðurins var að ræða mál Sean og áhrifin sem sprautan hafði á hann.
Vitnisburðinn má sjá á myndbandi hér neðar og yfirlýsingu Julie Lavertu:
Frá því að bréf Lavertu barst hefur andlát hins 17 ára Sean Hartman fengið alþjóðlega athygli. Viðbrögð heilbrigðisráðs Toronto við því voru að fjarlægja allan fundinn af vefsíðu ráðuneytisins.