Ný rannsókn sem birt var í í lok janúar í The Journal of the American Medical Association (JAMA) staðfestir aukna hættu á hjartavöðvabólgu hjá ungu fólki eftir bólusetningu með mRNA bóluefnum við Covid-19.
Rannsóknin náði til 1626 tilfella af hjartavöðvabólgu sem tilkynnt höfðu verið í VAERS gagnagrunninn í Bandaríkjunum og kom í ljós að tíðni hjartavöðvabólgu innan aðeins 7 daga frá bólusetningu var miklu hærri en búast mætti við.
Niðurstaða rannsóknarinnar er sú að tíðni hjartavöðvabólgutilfella var hæst hjá unglingsstrákum 12-15 ára eftir seinni bólusetningaskammtinn.
„Miðað við gögnin jókst hættan á hjartavöðvabólgu eftir bólusetningu með mRNA bóluefni hjá mörgum aldurshópum og báðum kynjum og var mest eftir seinni skammtinn hjá unglingsstrákum og ungum körlum. Þessa áhættu ætti að skoða í samhengi við ávinninginn af COVID-19 bólusetningu.“
Fleiri rannsóknir hafa verið á sama veg því í annarri rannsókn sem birt var í MedRxiv komust vísindamenn að því að núverandi COVID-bóluefni gætu hugsanlega verið hættulegri börnum en COVID-19.
Rannsóknin leiddi í ljós að eftir að heilbrigðum unglingsstrákum var gefið COVID-19 bóluefnið var tíðni hjartavöðvabólgu vegna bólusetningarinnar að minnsta kosti 6 sinnum líklegri til að valda hjartavandamálum en líkurnar á því að barnið þyrfti á að leggjast inn á sjúkrahús vegna Covid-19.
3 Comments on “Ný rannsókn: Bólusetning eykur stórlega líkurnar á hjartavöðvabólgu – mest hjá yngri karlmönnum”
Það má vera með ólíkindum að íslensk heilbrigðisyfirvöld stöðva ekki bólusetningar strax þegar allar þessar upplýsingar um skaðsemi þessara tilraunalyfja liggur nú fyrir.
Hérna fjallar hjartasérfræðingurinn doktor Asem Malhotra um málið á talkRadio:
https://www.youtube.com/watch?v=FU5oNx4ZzoM
Hugsið ykkur, þegar verður ekki hægt að fela þetta lengur, sem er reyndar að gerast, benda allir hvorn á annan og þetta er fólkið sem við ættum að treysta fyrir heilsu okkar? Þau munu þurfa að svara fyrir margt og þá mun ekki lengur virka að benda á hvorn annan og segjast ekki vita neitt, öll sönnunargögn eru þegar til staðar. Margir sem hafa tekið þessi tilraunalyf geta ekki horft framan í veruleikann og gögnin sem eru til.