Demókratar í Bandaríkjunum ráða forsetaembættinu og þinginu og þá ráða þeir mörgum ríkjum einnig þar sem ríkisstjórarnir eru demókratar.
Demókratar hafa verið mjög samstíga í því að takmarka frelsi fólks með ýmsum umdeildum aðferðum á meðan Repúblikanar sem ráða mörgum ríkjum hafa farið aðra leið, leið frelsisins, með mjög góðum árangri eins og sjá má t.d. í Florída.
Demókratar hafa rekið mikinn áróður fyrir grímunotkun og grímuskyldu og lagt hana á þar sem þeir hafa haft völd til þess og ekki hafa þeir hlíft börnunum. Þetta hafa þeir gert þó engin vísindaleg gögn sýni fram á gagnsemi þeirra við að hefta útbreiðslu vírusa.
Það hefur því vakið mikla athygli að leiðtogar demókrata hafa verið staðnir að því að nota ekki grímur í samræmi við þær reglur sem þeir sjálfir hafa sett eða talað fyrir.
Eitt nýjasta dæmið er frambjóðandi demókrata til ríkisstjóra Georgíu, Stacy Abrams, sem stendur í kosningabaráttu fyrir kosningarnar í nóvember nk.
Núna í byrjun febrúar setti hún á Twitter reikning sinn mynd af heimsókn sinni í Glennwood Elementary skólann þar sem hún, án grímu, situr með börnum skólans. Börnin á myndinni eru hins vegar öll látin vera með grímu, líklega til að smita Abrams ekki sem þó er full bólusett. Abrams virðist hins vegar ekki hafa haft miklar áhyggjur af því hvort hún smiti börnin, þó kunnugt sé að fullorðnir smiti frekar en börn. Eftir gríðarlega neikvæð viðbrögð við færslunni eyddi Abrams henni af Twitter reikningi sínum.
Ef fólk heldur að Abrams hafi einungis verið grímulaus í þessari tilteknu myndatöku þá var það ekki svo því fleiri myndir hafa nú verið birtar sem sýna að Abrams var grímulaus meira og minna allan tímann sem hún heimsótti skólann.
Þessi tvískinnungur leiðtoga demókrata þegar kemur að grímunotkun er ekkert einsdæmi og þeir virðast telja að reglurnar sem þeir sjálfir setja ekki eiga við þá sjálfa, heldur einungis óbreyttan almenning.
Nýlega birtst mynd af Obama fyrrverandi Bandaríkjaforseta þar sem hann var án grímu en starfsmenn, sem eru að byggja lúxushús hans við ströndina, þurftu að vera með grímu.
Ríkisstjóri Kaliforníu, demókratinn Gavin Newsom, var gripinn við að brjóta eigin grímureglur í lok janúar sl. Hefur Newsom gengið mjög hart fram í því að börn séu þvinguð til að nota grímur allan tímann sem þau eru í skólanum.
Mörg dæmi eru um að Joe Bidein forseti Bandaríkjanna virði ekki heldur reglurnar og eitt dæmi þess er frá því í september sl. þegar hann fór á hafnaboltaleik og virti ekki fjarlægðamörk og notaði ekki heldur grímu þó vegna aldurs teljist hann í miklum áhættuhópi.
Þá hefur Jill eiginkona Joe Bidens og “First Lady” Bandaríkjanna ekki látið sitt eftir liggja þegar kemur að því að hunsa það að nota grímu. Hér að neðan er mynd úr Hvíta húsinu þar sem Jill var að halda jólaskemmdun fyrir börnin í lok nóvember sl. og hún ein er án grímu. Athugið að börnin eru látin halda fjarlægð á meðan hún og fullorðnir þurfa þess ekki.
Hér á landi hafa einnig komið upp dæmi þar sem valdhafar og "fyrirmenni" telja reglurnar um grímuskyldu ekki eiga við um sig og nýjasta dæmi þess er samkoman á Bessastöðum núna í janúar sl. þegar íslensku bókmenntaverðlaunin voru veitt.
