Vísbendingum fjölgar um að bóluefnin gegn COVID-19 virki ekki lengur. Þá eru heilbrigðisyfirvöld og leiðtogar heimsins farnir að viðurkenna að sprauturnar geti ekki bundið endi á heimsfaraldurinn. Margar rannsóknir víðsvegar að benda einnig til þess að bóluefnin geti í raun stuðlað að alvarlegu niðurbroti ónæmiskerfisins.
Ein helsta ástæða þessa viðsnúnings frá hinni, hingað til ríkjandi opinberu nálgun, er tilkoma omicron afbrigðisins, sem veldur 99,5% allra COVID smita í Bandaríkjunum.
Þrátt fyrir að vera vægara en fyrri afbrigði, er omicron meira smitandi og setur hugmyndina um ónæmi hjarðarinnar með bólusetningum út af borðinu. Samt sem áður eru bóluefnaframleiðendur að reyna að framleiða omicron-sértækt bóluefni og Pfizer hefur lýst yfir að hafa eitt slíkt tilbúið í mars.
Dr. William Moss, framkvæmdastjóri Alþjóðlegu bóluefnamiðstöðvarinnar (International Vaccine Access Center) við Johns Hopkins Bloomberg School of Public Health, sagði að bóluefni sem miðuðust við omicron hefðu verið nauðsynleg í desember 2021. Þó þau gætu verið nýtileg er það nú þegar of seint.
Dr. Shaun Truelove, smitsjúkdóma-og faraldsfræðingur, einnig hjá Johns Hopkins, er sammála Moss. Hann benti á að hraðinn sem afbrigðið dreifðist á gæti gert bóluefnið tilgangslaust, vegna þess að „allir munu smitast.“
Jafnvel forstjóri Pfizer, Albert Bourla, viðurkenndi að hann viti ekki hvort nýja bóluefnið sé nauðsynlegt eða ekki eða hvernig hægt væri að nota það.
Framkvæmdastjóri Moderna, Stephane Bancel, sagði á sama tíma við CNBC að fjórði skammtur gæti verið við sjóndeildarhringinn þar sem virkni örvurnarskammtsins muni líklega minnka með tímanum. Hins vegar er óljóst hvaða afbrigði fjórði skammturinn ætti að taka á.
Sprauturnar skaða ónæmiskerfið
Nýlegar upplýsingar benda til þess að þeir sem hafa fengið að minnsta kosti tvær sprautur af COVID mRNA bóluefni sýni nú merki um alvarlegt niðurbrot ónæmiskerfisins. Gögn frá mismunandi löndum sýna að „geta ónæmiskerfis bólusettra borgara þeirra hefur skerst í samanburði við óbólusetta."
Omicron tilfellum fjölgar nú mun hraðar meðal fullbólusettra samanborið við þá sem ákváðu að þiggja ekki bólusetningu. Þannig eru handhafar bóluefnapassanna 2,2 sinnum líklegri til að dreifa COVID en óbólusettir.
Aðrar rannsóknir sýna einnig að virkni bólusetninganna minnkar hratt, að lokum slokknar á ónæmiskerfinu og það gerir þá sem eru að fullbólusettir og örvaðir líklegri til að fá COVID-sýkingar. Í öðrum skýrslum kemur fram að þeir sem hafa fengið tvo skammta af bóluefninu í Bretlandi hafi ekki lengur vörn í sínu ónæmiskerfi hvorki gegn delta eða omicron samanborið við óbólusetta.
Gögn frá fimm breskum stofnunum heilbrigðisyfirvalda sýndu heildarframmistöðu ónæmiskerfisins meðal allra aldurshópa á Englandi í fimm mánuði. Línuritin sýndu að frammistaða ónæmiskerfisins hjá fullorðnum á aldrinum 18 til 59 ára hefur aldrei verið verra síðan þeir fengu bóluefnið.
Ónæmiskerfi þeirra sem eru eldri en 60 ára hrakaði einnig verulega eftir að þeir höfðu fengið örvunarskammt. Þeir sem eru yfir sjötugt hafa sýnt mesta lækkun á getu ónæmiskerfisins fjórum til fimm mánuðum eftir örvunarskammtinn og sama á við þá sem eru 18 til 29 ára.
VAIDS er mikið áhyggjuefni
Neikvæð áhrif bólusetninganna gætu líka verið vísbending um eitthvað verra en bara omicron sýkingu. Sumir telja að tví- og þríbólusettir einstaklingar geti verið með bóluefnaáunnið ónæmisbrestsheilkenni ( vaccine-acquired immunodeficiency syndrome) eða VAIDS, sem er svipað ástand og alnæmi.
Í lok nóvember 2021 voru fregnir af því [í Bandaríkjunum] að vikulegum innlögnum „viðkvæmustu sjúklinganna“ á gjörgæsludeild hefði fjölgað um 50% samanborið við tvo mánuði á undan, þar sem einn af hverjum 28 sjúklingum var með sjúkdóm sem hafði áhrif á ónæmiskerfi þeirra. Sjúklingar með hvítblæði og líffæraígræðslusjúklingar eru stærsti hluti þessa hóps.
Þó svo að hlutfall innlagna ónæmisbældra sjúklinga hafi verið kennt um að stjórnvöldum hafi ekki tekist að koma örvunarskömmtunum nógu hratt út, gæti þessi hugsunarháttur verið skammsýni. Samtökin America’s Frontline Doctors í Bandaríkjunum segja að sprauturnar séu að búa til „bóluefnafíkla“ þar sem líkami þeirra mun ekki geta varist COVID án sprautanna.
Því miður mun þetta ekki skána þar sem hver sprauta til viðbótar gæti aðeins aukið á ónæmisrofið. Þetta þýðir að margir gætu endað með því að vera bara einni sprautu frá VAIDS þegar þeir væru að reyna að verja sig gegn vírusnum sem er síbreytilegur.
