Stofnandi Microsoft, Bill Gates, viðurkenndi að hættan á alvarlegum veikindum af völdum COVID-19 hafi verulega minnkað en varaði um leið við öðrum heimsfaraldri.

Gates veitti fréttakonunni Hadley Gamble á sjónvarpsstöðinni CNBC viðtal á árlegri öryggisráðstefnu Þýskalands í München.

„Því miður er veiran sjálf, sérstaklega ómíkron afbrigðið, tegund af bóluefni,“ sagði Gates. ,,Það er að segja, ómíkron myndar bæði B-og T-frumuónæmi. Og ómíkron afbrigðinu hefur gengið betur að ná til jarðarbúa en okkur hefur gengið með bóluefnin.“

„Ef við gerum kannanir í Afríkuríkjum, fáum við út að yfir 80% íbúa hafa ýmist fengið bóluefnið eða komist í snertingu við hin ýmsu afbrigði,“ bætti Gates við. „Það þýðir að líkurnar á alvarlegum veikindum, sem aðallega tengjast öldrun, offitu og sykursýki...þá hefur þessi áhætta nú verulega minnkað vegna þessara smita.

Hér lýsir Bill Gates því í raun yfir að hjarðónæmi hafi náðst með náttúrulegri sýkingu og þá helst ómíkrón en þess má geta að aðeins um 12% íbúa allrar Afríku hafa verið tvíbólusettir en heimsálfan er þrátt fyrir það með rúmlega 80% ónæmi ef marka má Gates.

Og svo virðist sem Vladimir Putin Rússlandsforseti hafi hitt naglann á höfuðið þegar hann sagði í desember sl. að ómíkron gæti verið „lifandi bóluefni.“

Bóluefnin seld á fölskum forsendum

Vert er að rifja upp fyrri ummæli Bill Gates, Joe Biden Bandaríkjaforseta, Rochelle Walenski forstjóra Sóttvarnastofnunar Bandaríkjanna (CDC), Dr. Anthony Fauci sóttvarnarlæknis Bandaríkjanna, Dr. Monica Gandhi smitsjúkdómasérfræðings, o.fl. sem öll virðast hafa tekið að sér að blekkja og reyna að selja efnin sem bóluefni sem myndu stöðva faraldurinn: „Bóluefnin munu rjúfa smitkeðjuna,“ fullyrtu þau, „munu mynda ónæmi, færa samfélagið í eðlilegt horf, verja okkur sjálf og aðra um leið, hverfandi líkur væru á að Covid bólusettir muni veikjast, þeir munu ekki leggjast á spítala, ekki á gjörgæslu og ekki deyja, sá bólusetti muni koma í veg fyrir að smit berist til næsta manns...“ sögðu þessir miklu sérfræðingar, pólitíkusar og vísindamenn.

Sama sönginn fór Kári Stefánsson, forstjóri Íslenskrar erfðagreiningar, með í nóvember 2020 í samtali við Morgunblaðið þar sem hann sagði meðal annars: „Mönn­um finnst mjög lík­legt að þetta komi allt til með að stand­ast og þá er þetta bólu­efni sem gæti kveðið þenn­an far­ald­ur í kút­inn...„Þetta bólu­efni hef­ur alltaf þótt feiki­lega lof­andi...„hef­ur bólu­efnið í 90% til­vika komið í veg fyr­ir Covid-19-smit í þriðja fasa lyfjaþró­un­ar­inn­ar. Það þykir feiki­lega góður ár­ang­ur, betri en ár­ang­ur­inn af flest­um in­flú­ensu­bólu­efn­um.“ 

Viðtalið við Gates fylgir hér með og samantekt með ummælum sérfræðingana og pólitíkusana þar sem þeir fullyrða um gagnsemi bóluefnanna.