Útfararstjórinn og „líkvinnslusérfræðingurinn“ (e.embalmer), Richard Hirschman, kom fram í viðtali hjá Dr. Jane Ruby þann 26. janúar sl. (ath. ebalmer er mjög sérhæft svið og er meira en t.d. líksnyrtir gerir hér á landi).
Í viðtalinu segist Hirschman hafa orðið vitni að „óeðlilega samsettum blóðtöppum með undarlegum trefjaefnum“ sem fylltu æðakerfið algjörlega og stífluðu slagæðar og bláæðar hins látna.
„Ég veit ekki hvernig nokkur maður getur lifað með eitthvað svona inni í sér,“ sagði hann og bætti við að hann hafi aldrei séð neitt þessu líkt á sinni 20 ára starfsævi, fyrr en á síðasta ári. Þetta væru gúmmíkenndir blóðtappar.
Þetta eru ekki venjulegir blóðtappar, sagði Hirschman. Þeir eru samsettir með löngum strengjum; hvít, teygjanleg uppbygging, sem hægt er að skola undir vatni.
„Venjulega eru blóðtappar linir í sér og ef þeir eru kreistir, snertir eða reynt er að taka þá upp, brotna þeir vanalega niður. Það er nánast hægt að kreista þá með fingrunum og þá breytast þeir næstum aftur í blóð. En þetta hvíta trefjaefni er frekar sterkt, alls ekki veikt,“ sagði hann.
Sá þetta fyrst um 6 mánuðum eftir upphaf bólusetninga
Hirschman fór fyrst að sjá þessar óeðlilegu blóðtappasamsetningar um það bil sex mánuðum eftir að byrjað var að bólusetja við Covid, sem honum finnst rökrétt því hann „getur ekki ímyndað sér að eitthvað slíkt gerist á einni nóttu," sagði hann.
„Þessir blóðtappar, þ.e. trefjarnar, leysast ekki upp. Það er hægt að beyja þær í sundur en efnið er teygjanlegt. Ég hafði samband við aðra í faginu og þeir eru allir að sjá það sama. Enginn sem ég þekki finnst þetta eðlilegt."
Hirschman sagðist sjá þetta í yfir 70% líkanna sem hann vinnur með þessa dagana.
Bóluefnið líklegasta ástæðan
Þótt Hirschman segist ekki geta verið viss um að allir hafi verið bólusettir, tók hann dæmi þar sem hann hafði séð í persónulegum munum að viðkomandi hafði verið bólusettur. „Hann var með veskið á sér og það er hluti af mínu starfi, að skoða persónulegum muni." Í þessu tilfelli komst ég að því að viðkomandi hafði verið bólusettur.“
„Ef þetta stafar af bóluefninu, sem ég held, ég get ekki sannað það, en ef þetta er af völdum bóluefnisins, ímyndaðu þér hversu margt fólk á eftir að deyja í framtíðinni, Vegna þess að fólk getur ekki lifað með svona efni fljótandi í æðum sínum og það er ótrúlegt hversu margir hafa verið að deyja úr hjartaáföllum og heilablóðfalli undanfarið,“ sagði hann við Ruby.
„Ef ein af þessum litlu trefjavefjum kemst upp í heilann mun viðkomandi fá heilablóðfall. Ef þetta kemst inn í hjartað mun það valda hjartaáfalli. Ég vil ekki vera boðberi slæmra tíðinda en á sama tíma þarf fólk að vita þetta. Ef það er bóluefnið sem veldur þessu verðum við að stöðva notkun þess. Hvað sem þetta efni er, ef við getum fundið út hvað það er, þá getum við kannski fundið út leið til að leysa upp þessar trefjar til að bjarga lífi fólks.“
Blóðtappar eru þekktar aukaverkanir bóluefnanna
Það er nú þegar almennt vitað að COVID-19 bóluefni geti valdið alvarlegum aukaverkunum sem tengjast blóðtöppum í líkamanum, sem leiddi t.d. til tímabundinnar stöðvunar á tilteknum bóluefnum í einhverjum löndum. Tilkynnt hefur verið um blóðtappa í bláæðum í tengslum við bóluefni á mismunandi stöðum líkamans, svo sem heila, læri og neðri fótlegg. Sjá einnig hér.
Í sumum tilfellum geta blóðtappar borist í lungun og valdið blóðtappa sem nefndur er lungnasegarek. Orsök blóðtappa eða segamyndunar felst aðallega í virkjun ónæmiskerfisins sem fer að vinna gegn blóðflögum og leiðir til lágs magns blóðflagna í blóði og það leiðir af sér óæskilega myndun blóðtappa í líkamanum.
Hirschman sagði að dánarorsök flestra einstaklinganna sem hann hafði séð með þessa undarlegu trefjamyndun, væri skráð sem hjartaáfall og heilablóðfall, ekki blóðtappi. En hann tók fram að læknarnir sem ákvarða dánarorsök sjái ekki það sem hann og félagar hans sjá þegar þeir vinna með líkin.
Hirschman sagðist að endingu vona að fleiri útfararstjórar og „líkvinnslusérfræðingar“ komi fram og upplýsi um það sem það hafi orðið vitni að undanfarna mánuði.
Anna Foster „líkvinnslusérfræðingur“ segir einnig frá óvenjulegum blóðtöppum
Hirschman varð að ósk sinni því rétt um tveimur vikum eftir viðtal hans hjá Dr. Jane Ruby kom Anna Foster líkumsjónarmaður fram í viðtali hjá Steve Kirsch.
Foster starfar í Carrollton í Missouri í Bandaríkjunum og hefur 11 ára reynslu í faginu og sinnir um 200 látnum einstaklingum á ári.
Hún sagði m.a. frá því að af síðustu 30 einstaklingum sem hún hafði unnið með, áður en viðtalið fór fram, voru 28 með mjög óvenjulega blóðtappa.
Hún segir þessa blóðtappa einungis sýnilega hjá einstaklingum sem deyja eftir að hafa verið bólusettir og þetta ástand hafi ekki verið til staðar áður en byrjað var að bólusetja fólk við COVID-19. Þá segist hún ekki hafa séð þetta í látnu fólki sem ekki hefur verið bólusett.
Hún segist í viðtalinu fyrst hafa séð þetta um mitt árið 2021 og tveir góðir félagar hennar í faginu sem hún hefur rætt við, hafa einnig tekið eftir þessum blóðtöppum í sínum störfum.
Bótaréttur vegna tjóns af völdum bóluefnanna
Fréttin bendir lesanda á að samkvæmt bráðabirgðaákvæði í lögum um sjúklingatryggingu nr. 111/2000, sem Alþingi samþykkti 17. desember 2020, greiðast bætur til þeirra sem gangast undir bólusetningu á Íslandi gegn COVID-19-sjúkdómnum á árunum 2020–2023 með bóluefni sem íslensk heilbrigðisyfirvöld leggja til vegna tjóns sem hlýst af eiginleikum bóluefnisins.
Eins og fram kemur hjá Hirschman hér að framan sjást þessir óvenjulegu blóðtappar ekki nema að líkin séu meðhöndluð nánar og því getur það gerst að uppgefin dánarorsök læknis sé ónákvæm hafi andlátið ekki verið rannsakað nánar.