Ríkisstjórn Rússlands hélt blaðamannafund á fimmtudag þar sem hún fullyrti að Hunter Biden hafi aðstoðað við að fjármagna rannsóknaráætlun bandaríska hersins á „lífefnavopnum“ í Úkraínu.

Fullyrðingin um að Hunter Biden hafi aðstoðað er að minnsta kosti sönn að hluta, samkvæmt nýjum tölvupóstum sem aðeins Daily Mail hefur undir höndum.

Yfirmaður rússnesku kjarnorku-, sýkla- og efnavarnasveitanna sagði að um væri að ræða „samskiptaáætlun milli bandarískra ríkisstofnana og úkraínskrar lífefnastarfsemi“ og benti á „fjármögnun slíkrar starfsemi tengdist núverandi stjórn Bandaríkjanna, einkum fjárfestingarsjóðnum Rosemont Seneca, sem Hunter Biden stýrir.

Leyniþjónustusérfræðingar segja að ásakanir rússneska herforingjans hafi verið ósvífið áróðursbragð til að réttlæta innrás Pútíns í Úkraínu og koma á ósætti í Bandaríkjunum.

En tölvupóstar úr fartölvu Hunter sýna að hann hjálpaði til við að tryggja milljóna dollara fjármögnun fyrir bandaríska fyrirtækið Metabiota, sem er verktaki á vegum varnarmálaráðuneytisins. Metabiota sérhæfir sig í rannsóknum á sjúkdómum sem geta valdið heimsfaraldri, sem hægt væri að nota sem lífefnavopn.

Hunter kynnti einnig fyrirtækið Metabiota fyrir úkraíniska orkufyrirtækinu Burisma vegna „vísindaverkefnis“ í tengslum við rannsóknarstofur sem sérhæfa sig í líftækniöryggismálum.

Burisma er í eigu úkraínska ólígarkans Mykola Zlochevsky og tók Hunter Biden sæti í stjórn fyrirtækisins árið 2014.

Þrátt fyrir að Metabiota sé að því er virðist heilbrigðisgagnafyrirtæki, sendi varaforseti fyrirtækisins Hunter tölvupóst árið 2014 þar sem hann lýsti því hvernig þeir gætu „staðfest menningarlegt og efnahagslegt sjálfstæði Úkraínu frá Rússlandi,“ óvenjulegt markmið fyrir líftæknifyrirtæki segir í Daily Mail.

Tölvupóstar og önnur gögn sem Daily Mail hefur skoðað benda til þess að Hunter hafi gegnt áberandi hlutverki í að tryggja að Metabiota gæti sinnt rannsóknum sínum á sýklum, í aðeins nokkur hundruð mílna fjarlægð frá landamærunum Rússlands.

Tölvupóstana má sjá í frétt Daily Mail.