Íþróttafólk hefur í gegnum tíðina fengið hjartaáfall rétt eins og aðrir. Í dag hins vegar líður varla sú vika að ekki fréttist af íþrótta-og afreksfólki sem fær fyrir hjartað. Sem dæmi þá fengu þrír atvinnu hjólreiðamenn hjartaáfall í þessum mánuði. Tvær svissneskar hlaupakonur hafa glímt við hjartavöðvabólgu undanfarið, Fabienne Schlumpf maraþonhlaupari og Sarah Atcho spretthlaupari. Einn fremsti krikketleikari allra tíma tíma, Ástralinn Shane Warne, lést einnig nýlega úr hjartaáfalli.
Í kjölfarið ráðlagði heilbrigðisráðherra Ástrala fólki að fara í hjartaeftirlit. Þá opnaði Karolinska sjúkrahúsið í Svíþjóð nýverið sérstaka hjartadeild fyrir íþróttafólk.
Peter McCullough útskýrir muninn - tveir ólíkir sjúkdómar
Bandaríski hjartalæknirinn, Peter McCullough er einn helsti sérfræðingur heims í COVID-19. Hann hefur skrifað 51 ritrýnda grein um sjúkdóminn. McCullough, lýsir hér neðar á rúmri mínútu muninum á hjartavöðvabólgu sem afleiðingu Covid bóluefnanna annars vegar og hjartavöðvabólgu sem afleiðingu af náttúrulegri Covid sýkingu hins vegar.
Hjartavöðvabólga í þeim sem sýkjast af Covid á venjulega aðeins við þá sem verða svo mikið veikir af sjúkdómnum að þeir þurfa að leggjast inn á gjörgæslu og þá er aðeins um hækkun trópínin (hjartaensím) að ræða sem er mjög ólíkt því sem við sjáum með hjartavöðvabólgu eftir bóluefnið.
Hjartavöðvabólga eftir COVID-19 er væg og óveruleg og ég vil ekki að nokkur haldi að hún sé eitthvað í líkingu við það sem við sjáum eftir bóluefnið.
Lipíð nanóagnir bóluefnisins fara beint í hjartað. Núna höfum við klínískar rannsóknir sem sýna það, hjartað tjáir broddpróteinið, líkaminn ræðst á hjartað, það eru verulegar breytingar á hjartalínuriti (EGK). Trópónin, blóðprófið fyrir hjartaskaða, í hjartavöðvabólgu eftir bóluefnið er 10-100 sinnum hærra heldur en það sem við sjáum með hjartavöðvabólgu eftir náttúrulega sýkingu. Þetta eru tveir ólíkir sjúkdómur.
Þegar börn fá hjartavöðvabólgu eftir bólusetningu, þurfa 90% þeirra að leggjast inn á sjúkrahús. Þau eru með verulegar breytingar á hjartalínuriti, brjóstverk, snemmstigs hjartabilun. Þau þurfa lyf til að koma í veg fyrir hjartabilun, þannig að hjartavöðvabólga af völdum bólusetningar er alvarlegt mál og hjá börnum er hún mun alvarlegri og algengari heldur en eftir COVID sýkingu.
Peter McCullough er þarna að svara þeim sölumönnum bóluefnanna (þ.e. fyrst og fremst læknum sem láta bóluefnin njóta vafans frekar en skjólstæðinga sína), sem reynt hafa að gera lítið úr áhættunni af hjartavöðvabólgu af völdum bólusetninganna. Í hnotskurn, þá segir hann að áhættan af því að fá hjartavöðvabólgu eftir sýkingu er hverfandi og á aðeins við um brot af þeim sem verða það veikir að leggja þurfi inn á gjörgæslu, og að það sé í raun allt annar sjúkdómur og minna alvarlegur heldur en sá sem hlýst af bólusetningunni. Börn sem fá hjartavöðvabólgu eftir bólusetningu munu aldrei bíða þess bætur.
