Ráðgjafanefnd FDA (Matvæla- og lyfjaeftirlits Bandaríkjanna) um bóluefni og sambærilegan varning mun koma saman þann 14. og 15. júní til að fara yfir COVID-19 bóluefnið ætlað börnum á aldrinum sex mánaða til fimm ára.
FDA opnaði fyrir umsagnir og eru þær sem berast til og með 7. júní sendar nefndinni. Umsagnir sem berast eftir 7. júní og fyrir 13. júní verða teknar til greina af FDA.
Af þessu tilefni ákváðu blaðamenn Fréttarinnar að senda inn umsögn er varðar 80% aukningu andvana fæðinga og burðarmálsdauða og 100% aukningu á dauða barna á fyrsta æviári, á árinu 2021 á Íslandi, samkvæmt gögnum Hagstofunnar. Þessi þróun sem á sér stað víðar, m.a. í Skotlandi og Kanada, gæti gefið vísbendingar um öryggi bóluefnanna meðal ungra barna.
Í það minnsta þarf nefndin að taka umsögnina til greina þar sem einnig er bent á að ekkert andlát ungabarns hafi verið tilkynnt á Íslandi á árinu 2020 þegar bóluefnið var ekki komið og enn hefur ekki verið tilkynnt um Covid andlát meðal nýbura eða ungabarna.
Þrátt fyrir að heilbrigðis-og sóttvarnayfirvöld hérlendis hafi ekki fjallað um málið eða veitt neinar mögulegar útskýrinar á þessar aukningu má velta því fyrir sér hvort Covid bóluefnin sem byrjað var að nota á síðasta ári og höfðu hvorki verið rannsökuð á barnshafandi konum né mjólkandi mæðrum, heldur aðeins á 44 rottum, gæti verið orsökin eða hluti af þessari aukningu.
Landlæknisembættið mælti með því að barnshafandi konur og mjólkandi mæður færu í Covid bólusetningu frá og með 27.07.2021 og segir á vef embættisins ,,að mælt hefði verið með bólusetningu allra þungaðra kvenna við COVID-19 vegna aukinnar hættu á alvarlegum veikindum meðal barnshafandi kvenna vegna COVID-19 og mögulega aukinnar tíðni á fósturlátum og andvana fæðingum í tengslum við COVID-19 á meðgöngu."
Ekkert andlát ungabarns hafði þó verið tilkynnt á árinu 2020, eins og áður segir, þegar bóluefnið var ekki komið.
Blaðamenn Fréttarinnar vildu því koma þessum upplýsingum til FDA ef svo skyldi vera að ráðgjafanefndin sem vegur og metur öryggi Covid bólusetninga fyrir ung börn gæti nýtt sér þessar upplýsingar.
Kvittun frá FDA fyrir móttöku á umsögn vegna bólusetningar barna 6 mánaða til 5 ára.
