Felldu bólusetningarvottorð úr gildi – liður í að þvinga fólk í fleiri sprautur?

thordis@frettin.isBólusetningar, PistlarLeave a Comment

Eftir fyrstu sprautur vorið og sumarið 2021 gaf landlæknir út starfrænt vottorð um bólusetninguna sem gilti í ár frá seinni sprautunni. Dæmi um það er efsta vottorðið á myndinni hér að neðan sem í upphafi átti að gilda í ár eða til 30.06.2022. Auðvitað var strax eitthvað undarlegt við að vottorð um bólusetning hafi farið fram falli úr gildi. Varla er hægt að afturkalla bólusetningu.

En gott og vel, sóttvarnayfirvöld gáfu þarna út vottorð til 12 mánaða.

This image has an empty alt attribute; its file name is image.png
Fyrst gilti vottorðið í 12 mánuði en var svo stytt um 3 mánuði áður en það var gert ótímabundið.

Þegar sækja þurfti vottorðið vegna ferðalags vorið 2022 kom hins vegar í ljós að búið var að stytta gildistímann úr 12 mánuðum í tæpa 9. Það var einfaldlega ekki í gildi lengur eins og má sjá á vottorðinu í miðjunni hér að ofan. Vissulega var tekið fram á upphaflega vottorðinu að gildistíminn gæti breyst ef nýjar „upplýsingar“ kæmu fram um „áhrifatíma bólusetningar“ en hvenær var það tilkynnt og hvaða upplýsingar voru það?

Þetta var auðvitað bagalegt fyrir þá sem þurftu þessi vottorð vegna ferðalaga en víða var gerð krafa um slíkt vottorð þótt öllum væri orðið ljóst að bólusettir bæði smituðust og smituðu.

Hvað vakti fyrir íslenskum sóttvarnayfirvöldum með þessari styttingu gildistímans um 3 mánuði í vor?

Átti ekki öllum aðgerðum í nafni sóttvarna að vera lokið 25. febrúar síðastliðinn? Hvers vegna voru þessar þvinganir í gegnum bólusetningarvottorð í gangi fram á sumar?

Greinin birtist fyrst á Andríki 9. 11. 2022

Vonandi var þetta ekki liður í því að þrýsta á fólk um að fara í þriðju bólusetninguna til að geta um frjálst höfuð strokið á ferðalögum í sumar.

Þegar vottorðið var sótt í þriðja sinn nú í haust var svo búið að gera það ótímabundið. Eins og það hefði átt að vera frá upphafi.

Hvaða vísindi studdu þetta hringl afturábak og áfram með gildistímann?

Skildu eftir skilaboð