Fréttablaðið segir frá því að Rebekka Ósk Sváfnisdóttir stofnandi Facebook-hópsins Tíðahringur bólusettra kvenna gegn C19 ætli að krefjast skaðabóta frá íslenska ríkinu þar sem hún glímir enn við miklar og óvenjulegar tíðarblæðingar frá því hún fékk Covid sprautur.  Samkvæmt óformlegri könnun á líðan kvenna sem eru meðlimir í Facebook-hópnum eru enn yfir helmingur þeirra sem finna fyrir aukaverkunum enn í dag rúmu einu og hálfu ári eftir bólusetningu, segir í Fréttablaðinu.

„Ég sjálf er núna, einu og hálfu ári seinna, á blæðingum fimmtán til tuttugu daga mánaðarins og það er búið að reyna allt til að stoppa hjá mér,“ segir Rebekka Ósk Sváfnisdóttir. Hún var greind á snemmbúnum tíðahvörfum 39 ára gömul eftir bólusetningu.

Greint var frá í síðustu viku að Lyfjastofnun Evrópu hefði lagt til að miklar tíðablæðingar yrðu skráðar sem möguleg aukaverkun af óþekktri tíðni við notkun Covid-19 bóluefnanna Cominaty og Spikevax.

Sl. sumar voru þær Rebekka Ósk og Margrét Ósk Guðbjörnsdóttir í viðtali í þættinum Hin hliðin hjá Margréti Friðriksdóttur þar sem þær sögðu frá veikindum sínum eftir svokölluð „bóluefni,“ hvernig reynt væri að þagga niður aukaverkanir eftir þessi efni o.fl. Rebekka sagði einnig frá því að um það leyti sem átti að fara sprauta börn og unglinga hafi hún skrifað Willum Þór heilbrigðisráðherra póst þar sem hún bauð honum að koma inn í hópinn og lesa það sem konurnar höfðu að segja. Hann svaraði ekki erindinu.

Hér má horfa á þáttinn: