Leyniþræðir og leyndarlíf auðkýfinganna – 2. kapítuli

thordis@frettin.isArnar Sverrisson, Pistlar1 Comment

Hér á eftir fer annar kafli af Leyniþræðir og leyndarlíf auðkýfinganna eftir Arnar Sverrisson. Fyrsta kaflann má lesa hér.

Heimildir greina frá að minnsta kosti tuttugu og sex heimsóknum Bill Clinton til barnaníðinganna, Ghislaine Noelle Marion Maxwell, sem nú situr í tukthúsi, og Jeffrey Epstein, á Kynvallseyju (Orgy Island). Jeffrey tókst að hengja sig á snerli í fangaklefa, áður en losnaði að ráði um málbein hans. En nú hefur dómari skorið úr um birtingu gagna um átta svallfélaga ofangreindra, sem höfðu beðið sér birtingarvægðar.

Parið hafði bókstaflega hreðja- eða kverkatak á forsetum, forsætisráðherrum, rektorum, Hollývúddstjörnum, forstjórum, bankastjórum, áberandi vísindamönnum og öðrum úrvals fyrirmennum. Nöfnin voru skráð í svörtu minnisbókina. Ætli „æðri“ máttarvöld, þ.e. Leyniþjónusta Ísraela (Mossad), Bandaríkjamanna (CIA) eða Breta (M16) hafi lagt honum lið við sjálfsvígið?

Jeffrey Epstein

Jeffrey var dæmigerður máttarstólpi samfélagsins. Hann óð í seðlum, styrkti vísindastofnanir eins og Massachusetts Institute of Technology, á sama hátt og vinur hans, Bill Gates. Bill var tíður gestur í einkaþotu Jeffrey, Lolita Express, ásamt mörgu öðru fyrirmenni og hátignum, þegar þær fýsti í hressilegt og blóðugt kynsvall – einkum með börnum. Ferðinni var heitið á „Kynsvallseyju“ Jeffrey í Karabíska hafinu. (Lolita var tólf ára gömul aðalsöguhetja í sögu rússnesk-bandaríska rithöfundarins, Vladimir Nabokov. Sögumaður tók við hana kynferðislegu ástfóstri.)

Farþegalistinn er skrautlegur (sumir þegar nefndir): Kvenfrelsarinn, Hillary Clinton, John Podesta, James Alefantis, Marie Abramovitc, Tony Blair, Jeff Bezos, Donald Trump, Gwendolyn Beck, Kevin Spacey, Andrew drottningarsonur, Chris Tucker, Itzhak Perlman, Naomi Campell, Robert F. Kennedy yngri, Larry Summers, John Glenn, George Mitchell og fleiri þingmenn Bandaríkjanna.

Mark Zuckerberg tók þátt í kynsvallinu?

Svo virðist, sem Mark Zuckerberg, Fésbókarjöfur og þekktur glaumgosi, hafi verið einn þeirra mörgu, sem þátt tóku í barnakynsvallinu á eyjunni góðu. Hann segir:

„Jafnvel þótt mörgu fólki þyki bæði ánægjulegt og fullnægjandi að horfa á samfarir, þykir mér [fremur] ögrandi, þegar örvunarvaka (adrenochrome) er tappað af hinum smærri þátttakendum eins og sýnt er á myndinni að neðan. [Sjá Snopes.] Inntaka örvunarvaka þykir mér samt sem áður ánægjulegri athöfn, en aðrar, sem ég hef tekið þátt í.“

(Það þarf varla að taka fram, að Mark kannast ekki við að hafa krítað þetta á töflu sína í eigin miðli, sbr. „staðreyndafyrirtækið,“ „Snápana“ eða Snopes. Fyrirtækið segir, að QAnon, hreyfing hliðholl Donald Trump, hafi falsað færsluna.)

Hvað er Adrenochrome? 

„Adrenochrome“ er vaki (hormón, adrenalínafbrigði), sem myndast við streitu og þjáningu, kvalir. Það hefur örvandi áhrif í för með sér, jafnvel skynvillu, ofskynjun og vellíðan. Umfjöllun um efnið í þessu samhengi virðist bráðhættuleg. Þegar gúgglað er, birtast nær eingöngu ritskoðunar- og þöggunargreinar frá staðreyndafyrirtækjum auðjöfranna, sem einnig eiga netfyrirtækin, fjölmiðlana.)

Það er því miður víðar, að samfélagsstjörnur af hinu og þessu tagi, stunda kynferðislegan óþverraskap gagnvart börnum og unglingum, sem ganga kaupum og sölum, er rænt og jafnvel myrt. Á sínum tíma fullyrti breski þingmaðurinn, Geoffrey Dickens, að slíkt athæfi væri ekki framandi meðal yfirstéttarfólks í Bretlandi, jafnvel að börn væru líflátin við djöfladýrkun.

Konungsfjölskyldurnar,  Clinton hjónin og fleiri

Konungsfjölskyldan í Bretlandi (og raunar Hollandi líka) hefur t.d. verið viðriðin kynlífsóþverraskap eins og lávarðurinn, Louis Mountbatten. Það vakti athygli fyrir nokkrum árum, þegar sænskur piltur sást flýja nakinn úr glugga á Buckingham höll.

Clinton hjónin koma víða við í þessari ljótu sögu. T.d. í sambandi við kaup á mannræktarstofnuninni, Nexium (NXIVM), einhvers konar skálkaskjóli fyrir sértrúarsöfnuð (cult), þar sem ríkti kynglæpamaðurinn, Keith Raniere, dæmdur í 120 ára fangelsi fyrir glæpi sína árið 2020 - ásamt fimm kvenna „hirð,“ sem hlaut vægari dóma.

Vinkonur hjónanna og styrktaraðiljar, kanadísku viðskiptajöfrarnir, Clare og Sara Bronfman, erfingjar Seagram auðævanna, voru kaupendur stofnunarinnar. Clare var handtekin í kjölfar kynsvalls í Hollývúdd. Handtekin var einnig Allison Mack. Sú hafði myndað sjálfa sig misþyrma kynferðislega átta ára gömlu stúlkubarni. Fyrrnefnd stofnun lét 2.2 milljónir dala af hendi rakna til stofnunar sjóðs í nafni Dalai Lama og ótaldar milljónir til kosningasjóðs Hillary og sjóðs hjónanna, „Alheimsfrumkvæðis Clinton“ (Clinton Global Initiative).

Blaðamaðurinn, her- og sálfræðingurinn, Joachim Hagopian, hefur skrifað fimm binda verk um þennan ófögnuð: „Barngirnd og heimsveldi: Djöfullinn, kynlífsbrenglun og djúpríkið“ (Pedophilia & Empire: Satan, Sodomy and the Deep State). Í fyrsta bindi fjallar hann um sögu barnanauðgana og blóðfórna; í öðru bindinu um afbrigðilegar kynathafnir hátigna og stjórnvalda; þriðja bindið er helgað þessu óeðli í Stóra-Bretlandi, m.a. er saga auðkýfinganna af Rothschild ætt skoðuð; í fjórða bindi er komið að Norður-Ameríku, m.a. fjallað um örvunarvaka (adrenochrome) og að lokum Evrópu í fimmta bindi. (Kafla úr bókum hans má lesa hér.

Barnafórnir ekki nýjar af nálinni í sögunni

Þess má í framhjáhlaupi geta, að hvorki barnfórnir né notkun barnablóðs við frjósemisathafnir, eru nýjar af nálinni í mannkynssögunni. Það þarf ekki að skyggnast lengur en til þar síðustu aldar. Árið 1876 lýsir blaðamaður í Bandaríkjunum bragði þess. Það bragðaðist eins og „volgur rjómi með beiskjukenndu sætubragði og fyllingu hins góða víns. … einfaldlega þrungið höfgum, hrífandi Ilmi, sætari en nokkur tilbúin afurð efnafræðings, sætindagjörðamanns eða vínbruggara.“

Í fimmta bindi, ellefta kafla, fjallar Joachim um áströlsku hetjuna, Fiona Barnett. Fimm ára gömul var henni rænt. Barnið var gert að kynlífsambátt fyrir ýmis mikilmenni samtímans.

Það voru líka örlög Kathleen Sullivan, sem skrifað hefur bókina: „Laus úr fjötrum: Saga um hugstjórnun“ (Unshackled: A Story of Mind Control). Kathleen skýrir frá kynofbeldi af hálfu, Jeffrey Epstein, Henry Kissinger, George H.W. Bush og Billy Graham, svo nokkrir séu upptaldir (Netútgáfa).

Fiona hefur um áratuga skeið reynt að koma sögu sinni á framfæri, m.a. með stuðningi James Rothstein í lögregluliði Nýju Jórvíkur (NYPD). Það kemur varla á óvart, að „dómarar“ í „líftíðardómnum,“ en svo kallar hún líf sitt, hafi reynt með öllum ráðum að þagga niður í henni.

Mansal barna - samhæfðar aðgerðir leyniþjónusta

James Rothstein taldi sig hafa komist að hinu rétta tilefni Watergate, að komast yfir upplýsingar Lýðræðisflokksins (Demókrata) um barnaníð flokksmanna. Hann var einnig viðriðinn fyrir áratugum síðan rannsókn á starfsemi, sem kölluð er „CIA-Mossad Epstein-Maxwell aðgerðirnar (operations).“ Hann sagði m.a.:

„Uppskafningarnir (very important persons) hittust víðsvegar um heiminn og fengu fullnægt tilbrigðum við úrkynjunarkynhneigðir sínar, þar með talin misnotkun með djöfladýrkunaryfirbragði.“ Það hlýtur að vera kraftaverki líkast, að enn standi Fiona keik og hafi meira að segja gefið út bók um skelfilega reynslu sína, „Með galopin augu: Mansal barna á vegum Leyniþjónustu Bandaríkjanna; Hugstjórnartilraunir í Ástralíu; vígslumisnotkun og hugstjórnun; hugrof við áföll; áfallamiðuð heilgun“ (Eyes Wide Open). Bókina má lesa endurgjaldslaust í netútgáfu.  Hún segir m.a.:

„Mansal barna er samhæfð og afmörkuð starfsemi á alheimsgrundvelli. Aðgerðirnar eru samhæfðar af Leyniþjónustu Bandaríkjanna í samvinnu við leyniþjónusturnar í Ástralíu og Bretlandi [og Ísrael].“

Fyrrnefndur Joachim segir á þessa leið: Þessi starfsemi, þ.e. barnaníð, -rán, -morð og kynsvall skýrist að einhverju leyti af markvissum félagsmótandi vélabrögðum á alheimsvísu. Þau eru framin af yfirlögðu ráði til þess að spilla samskiptum kynjanna og skapa ósætti milli þeirra. …

Til að bæta gráu ofan á svart eru svokallaðar aðgerðir í þágu lespa-tvíkynhneigra-samkynhneigðra-kynskiptinga-hinsegin (Lesbian-bisexual-gay-transgender-queer) í nýrri heimsskipan Sameinuðu þjóðanna (New World Order United Nations) framkvæmdar undir því yfirskini að stuðla að „kynfjölbreytni“ (gender diversity), en einungis til þess fallnar að skapa óöryggi og vansæld.

Hvað er Lúsíferdýrkandi

Þegar eðliskyn hverfa og félagsleg skilgreining þeirra kemur í staðinn, má túlka þau á milljón mismunandi vegu. Þetta þyrlar upp moldryki, ruglar fólk í ríminu og plægir jarðveginn fyrir áhrif fjölmiðla á valdi Lúsifers. („Erkiengillinn Lúsifer sem gerði uppreisn á himnum og var varpað til heljar, satan, kölski,“ - samkvæmt Snöru.)

Fyrrgreindur glæpahundur og auðkýfingur, Keith Raniere, segir þetta um Lúsífersdýrkanda og lýsir þar með sjálfum sér og fólki af sínu sauðahúsi eins og Jeffrey Epstein:

Lúsiferdýrkandi fremur illvirki, haldinn nokkurs konar siðblindu. Hann á við umtalsverðan hegðunarvanda að stríða undir hulu góðrar, andlegrar aðlögunar. Hann virðist heill heilsu, en er það ekki. Lúsfersdýrkandi er í eðli sínu óhamingjusamur, elur á andúð gagnvart öðru fólki. Honum hefur í lífinu lærst að beita megi sjálfselsku til að leita ánægju eins og til að mynda við að eyðileggja hluti eða sambönd, valda sársauka, óhamingju eða böli.

Lúsifersdýrkandi lætur óskir sínar rætast og lætur skeika að sköpuðu um leiðir til þess, án tillits til annarra og firrtur eftirsjá. Lúsifersdýrkandi er samviskulaus og tengist ekki tryggðaböndum. Honum er tamt að beita bellibrögðum og situr á svikráðum til að fullnægja hvötum sínum. Því er hann fær um hegðun, sem gæti laskað alvarlega þá, sem við hann eiga samskipti. Þess vegna er það dæmigert fyrir Lúsífersdýrkanda að öðlast sælu og fullnægju við aðstæður, sem „eðlilegu“ fólki býður við og setja það í uppnám.

Hér má finna tilvísanir með grein Arnars.

One Comment on “Leyniþræðir og leyndarlíf auðkýfinganna – 2. kapítuli”

Skildu eftir skilaboð