Eftir Arnar Sverrisson:
Stundum þarf áfall eða slys til að fólk rumski og fari að hugsa rökrétt og leita þekkingar. Það á við um hjartasérfræðinginn, Assem Malhorta, sem mælti af öryggi hins rétttrúaða með því að fólk léti bólusetjast með mRNA tilraunalyfjunum við covid-19.
Eins og venjulega höfðu lyfjafyrirtækin fengið markaðsleyfi á grundvelli eigin rannsókna og eigin skýrslugerðar um þær. Það fyrirkomulag hefur verið ávísun á hörmungar í áratugi, sem og tíð bein og óbein hagsmunatengsl þeirra, sem framleiða og leyfin veita.
Faðir Aseem lést. Og það hristi upp í honum. Læknirinn greinir frá því, hversu skekinn hann var við að sjá niðurstöður krufningarinnar. (Þær hafa ofur sjaldan verið framkvæmdar.) Það voru tveir alvarlegir blóðtappar í kransæðum fílhrausts mannsins. Þá fór Assem að hugsa og kynna sér málin. Þá tók hann kollhnísinn.
Hann segir nú: „mRNA bóluefnin við covid-19 hafa að öllum líkindum átt verulegan þátt í því, að hjartað hætti að slá, eða verið aðalorsök kransæðastíflu, hjartaslags, óreglulegs hjartsláttar og hjartabilunar, síðan 2021.“ Og bætti svo við:
„Heiðarlegum læknum er um megn að ástunda heiðarlegar lækningar. Heilbrigðiskerfið hefur gersamlega brugðist. [Það geisar] farsótt rangupplýstra lækna og rangupplýstra sjúklinga, sem þjást.“
Aseem á heiður skilið fyrir kollhnísinn. En líklega fylgja fá starfssystkin fordæmi hans. Engin ein heilbrigðisstétt ætti fremur að skammast sín vegna dugleysis og vanþekkingar í faraldrinum en læknar – nema, ef vera skyldu stjórnmálamenn.
