Margir glíma við aukaverkanir en reyna að finna aðrar orsakir

Margrét segir það jafnframt ótrúlega erfitt að ræða þessar „bólusetningar“ þar sem svo margir vilji ekki trúa því að ein sprauta hafi getað orsakað alla þessa kvilla og bætti því við að það séu miklu fleiri sem eru að glíma við margskonar aukaverkanir af Covid sprautunum, en flestir reyni að finna aðrar orsakir.

Margrét segir listann of langan til að telja upp allar aukaverkanirnar en í stuttu máli hafi „bólusetningin“ haft áhrif á ónæmis-og taugakerfið, sjón og heyrn, heilann, móðurlífið, stoðkerfið, húðina, hormónakerfið, hjartað og lungun.

Hún segir líka frá því að eftir ferð til Flórída hafi hún byrjað að fá rafstrauma í fæturna og í orðsins fyllstu merkingu misst undan sér fæturna. Þá hafi hún hringt upp á Reykjalund og fengið inn tveimur vikum síðar, sem hún segir hafa bjargað lífi sínu.

Margrét segist hafa hitt fjölda manns á Reykjalundi á öllum sviðum og það sorglega væri að meirihluti fólksins hafi verið að glíma við einhvers konar aukaverkanir af Covid sprautunum, eins og t.d. óútskýranlegan rafstraum og doða í líkamanum, ofsaþreytu, mikla verki og mígrenisköst.

Vonast til að fleiri opni sig um skaðann

Alla frásögn Margrétar má lesa á Facebook síðu hennar og eins má hér neðar sjá viðtal sem tekið var við hana og Rebekku Ósk Sváfnisdóttur í sumar. Báðar hafa þær glímt við veikindi eftir Covid sprautur og Rebekka Ósk stofnaði Facebook-hópinn Tíðarhringur bólusettra kvenna. Rebekka var með stanslausar blæðingar í um þrjá mánuði eftir Pfizer „bóluefnið“ og fékk fljótlega úr því skorið að hún væri orðin ófrjó.