Eftir Ingibjörgu Gísladóttur:

„Forsetinn er mögulega að vísa til fjaðrafoks sem varð í Skotlandi á síðasta ári er barnaníðingar hétu ekki lengur pedophiles í opinberri skýrslu, heldur minor attracted persons.“

Vladimir Pútín hélt langa ræðu heima í Rússlandi fyrir nokkrum dögum. Fátt kom þar á óvart. Stríðið myndi halda áfram því NATO væri haldið þeim ranghugmyndum að það gæti sigrað Rússland og Kíevstjórnin ásamt bakhjörlum sínum á Vesturlöndum héldi íbúum Úkraínu í gíslingu. Rússar hefðu gert allt sem í þeirra valdi hefði staðið til að koma í veg fyrir þetta stríð. Það sem helst vakti athygli var sú fullyrðing hans að Vesturlönd væru orðin svo spillt að jafnvel barnaníð væri þar talinn eðlilegur hlutur.

Ef til vill var hann að hugsa um pakistönsku barnanauðgaragengin í Bretlandi sem fengu að athafna sig óáreitt áratugum saman af því m.a. að enginn vildi fá á sig rasistastimpilinn en hann gæti líka verið að hugsa um fjaðrafokið sem varð í Skotlandi á síðasta ári er barnaníðingar hétu ekki lengur "pedophiles" í opinberri skýrslu, heldur "minor attracted persons". Jordan Peterson var einn þeirra er tjáði sig á Twitter um það mál og sagði: How about we don't do this: "minor-attracted people" equal predators plain and simple. Skoska lögreglan sór af sér að nota það hugtak og benti á að það kæmi frá Evrópusambandinu.

Víða á Vesturlöndum sækjast dragdrottningar eftir samvistum við börn, gjarnan á bókasöfnum en líka á öðrum söfnum og krám. Nýlega var mótmælt við krá í London og í hópi stuðningsmanna dragdrottininganna mátti líta mann með skilti sem á stóð "Queer love is for all ages". Skemmtikrafturinn Leo Kearse tvítaði : Segðu mér annars hvernig það er „hægri öfgjahyggja“ að vera á móti þessu perrabulli.

Í Wales hafa foreldrar mótmælt því að kynfræðsla skuli vera skyldugrein allt niður í þriggja ára aldur. Viðmælandi segir að foreldrar fái ekki neinar upplýsingar um hvað skuli kennt eða hvernig og að þeir mótmæltu fyrir framan BBC af því að BBC sýndi ekki málinu neinn áhuga.

Svo er Pútín eflaust fullkunnugt um að Vesturlandabúar hafi getað keypt kynlífsþjónustu af ýmsu tagi af munaðarlausum börnum í Úkraínu. Árið 2015 fjallaði Huffington Post um niðurstöður skýrslu sem samtökin Disability Rights International höfðu gefið út eftir 3 ára rannsóknastarf. Það er ljót skýrsla og minnir á vanræksluna á munaðarleysingjahælum Rúmeníu fyrr á árum. Í skýrslunni segir að mikið sé um kynferðisofbeldi á þeim stöðum og þeir sem framleiði barnaklám fari beint þangað í leit að fórnarlömbum. Fötluð börn séu í mikilli hættu. Ömmu barns með Downs hafi verið sagt af læknum að hún gæti selt barnið fólki sem gæti komið líffærum þess í verð. Maria, sem ólst upp á munaðarleysingjahæli í Odessu sagði frá því að 10-12 börn hefðu horfið þaðan á hverju ári - sum hefðu fundist látin en ekkert verið gert í málunum. Vesturlandabúar geti borgað fyrir að taka börn með sér heim í nokkrar vikur - án eftirlits. Á einum stað hafi verið rekin sána/nuddstofa þar sem barnavændi hafi verið í boði - henni hafi reyndar verið lokað 2012. Í grein Huff Post segir að talið sé að 82,000 börn búi við þessar aðstæður en sumir úkraínskir baráttumenn fyrir velferð barna telji að þau gætu verið nær 200,000 og fátt bíði barnanna þegar fullorðinsaldri sé náð. Margir viðmælenda skýrsluhöfunda bjuggu á götunni í Odessu og Kiev.

Það er margt á Vesturlöndum sem ekki þolir dagsbirtuna s.s. líftæknirannsóknastofur Bandaríkjahers í Úkraínu, myrkraverk CIA, gögnin á tölvu Hunter Bidens og refsiverð meðferð á börnum. Margt sem tengist Úkraínu. Má stríðinu kannski ekki ljúka?