Gústaf Skúlason skrifar:

Frá kosningunum 2020 hefur Donald Trump þráfaldlega haldið því fram, að hann en ekki Joe Biden hafi raunverulega sigrað í forsetakosningunum. Í sumum ríkjum hafa einnig komið fram vísbendingar um útbreitt svindl. Ný skýrsla (sjá að neðan) rennir stoðum undir fullyrðingar Trumps.

Í skýrslu hugveitunnar Heartland Institute (sjá pdf að neðan) er því haldið fram, að Trump hafi unnið kosningarnar 2020. Skýrslan byggir á greiningu á kosningaúrslitum og skoðanakönnunum frá skoðanakönnunarfyrirtækinu Rasmussen Reports.

Mikilvægasta rannsókn sem hefur verið birt undanfarin 20 ár

Á grundvelli nýrra sannana sem benda til gríðarlegs kosningasvindls rannsakar skýrslan áhrif svindlsins bæði á útkomu atkvæðatalningar fyrir Donald Trump og Joe Biden. Skýrslan rannsakar m.a. hvaða áhrif sviksamleg póstatkvæði gætu hafa haft á heildarniðurstöður kosninganna.

Eftir að hafa dregið saman vandamál póstatkvæðagreiðslunnar eru niðurstöður bornar saman við skoðanakannanir The Heartland Institute og Rasmussen Reports í nóvember/desember 2023. Niðurstöðum könnunarinnar er lýst sem óvæntum. Eftir að þær voru birtar hefur mikil umræða orðið um yfirgrip svindlsins í kosningunum 2020 og einnig um hugsanleg áhrif svindls með póstkjörseðlum í komandi kosningum. Trump sagði könnunina „stærstu sögu ársins og mikilvægustu rannsókn sem birt hefur verið á síðustu 20 árum.“

28,2% viðurkenndu að hafa framið a.m.k. eina tegund kosningasvika

Samkvæmt könnuninni viðurkenndi mikill fjöldi kjósenda sem kusu með pósti að hafa framið að minnsta kosti eina tegund kjósendasvika í kosningunum 2020.

• 21% kjósenda sem kusu með pósti viðurkenndu að árið 2020 kusu þeir í ríki þar sem þeir hafa ekki fasta búsetu
• 21% póstkjósenda viðurkenndu að hafa fyllt í kjörseðla með nafni vina eða fjölskyldumeðlima
• 17% póstkjósenda viðurkenndu að hafa skrifað undir kjörseðil fyrir vini eða fjölskyldumeðlimi án leyfis viðkomandi
• 19% póstkjósenda sögðu að vinur eða fjölskyldumeðlimur hafi fyllt í kjörseðil í heild eða að hluta fyrir þeirra hönd

Eftir að hafa rannsakað frumsönnunargögn var komist að þeirri niðurstöðu, að „28,2% svarenda sem kusu með pósti viðurkenndu að hafa framið að minnsta kosti eina tegund kosningasvika.“ Það þýðir að meira en fjórða hvert póstatkvæði árið 2020 var ógilt atkvæði sem ekki átti að telja.

Trump sigurvegari með 311 kjörmenn á móti 227 kjörmönnum Biden

Þar sem Joe Biden fékk umtalsvert fleiri póstatkvæði en Donald Trump er einnig ályktað, að kosningaúrslitin árið 2020 hefðu verið önnur í lykilríkjunum sem Trump tapaði með hnífjöfnum mun – Arizona, Georgia, Michigan, Nevada, Pennsylvania og Wisconsin. Í tilviki 28,2% kosningasvindls er sú greining gerð, að Trump hefði sigrað í öllum sex ríkjunum og tryggt sér sigur atkvæði kjörmanna með 311-227.

Feb-24-2020-Election-Analysis-vWeb_Final

New study is out - https://t.co/JrpkJ7EJ7u

"Even if only a fraction of self-admitted fraud occurred, Trump likely beats Biden in multiple swing states, wins 2020 Electoral College vote."

Government directed destabilization of our national election. 👇 https://t.co/vPxw73Q8S6 pic.twitter.com/m61RR0Su3B

— Rasmussen Reports (@Rasmussen_Poll) February 6, 2024