Gústaf Skúlason skrifar:

Hamas hefur hafnað tillögu Ísraela um að sleppa Ísraelsmönnum sem þeir tóku í gíslingu í hryðjuverkaárásinni 7. október – gegn því að Ísraelar slepptu 1.500 Palestínumönnum úr ísraelskum fangelsum.

Að sögn Ísraelsmanna rændu Hamas 253 manns, bæði Ísraela og fólk frá öðrum löndum, í hryðjuverkaárásinni 7. október í fyrra. Um 1200 manns í Ísrael voru myrtir í árásinni.

Samhliða stríðinu á Gaza eiga sér stað samningaviðræður milli Ísraels og Hamas sem enn hafa ekki skilað neinum árangri.

Á fimmtudaginn tilkynnti Antony Blinken, utanríkisráðherra Bandaríkjanna, að samkomulag þar sem Hamas sleppir gíslunum sé mögulegt – en að það séu mjög erfið mál sem þurfi að leysa fyrst. Frá þessu greinir sádi-arabíska fjölmiðlafyrirtækið Al-Arabiya. Blinke sagði:

„Við erum núna í ferli með Katar, Egyptalandi og Ísrael þar sem við vinnum mjög ákaft með það að markmiði að reyna að ná samkomulagi og ég held að það sé mögulegt.“