Þann 1. febrúar sl. gaf Australian Vaccination-risks Network, Inc. (AVN) út fréttatilkynningu um að það hefði höfðað dómsmál gegn stjórnvöldum í Ástralíu. Samtökin voru stofnuð árið 1994 af hópi foreldra og heilbrigðisstarfsmanna sem höfðu áhyggjur af skorti á vísindalegum upplýsingum um bólusetningar.

Í fréttatilkynningunni segir:

Í dag hefur Australian Vaccination-risks Network, Inc. (AVN) höfðað dómsmál fyrir alríkisdómstól Ástralíu þar sem dómstóllinn er beðinn um að fyrirskipa Dr. Brendan Murphy, heilbrigðisráðherra, að virða skyldu sína og fylgja vísindum og fella úr gildi eða fresta ótímabundið bráðabirgðaleyfum fyrir öll COVID tilraunabóluefni í Ástralíu.

Peter Fam, lögmaður, hjá Maat's Method Solicitors, lagði fram kröfugerð, ítarlega greinargerð, þar á meðal tugi ritrýndra og forprentaðra rannsókna um skaða af völdum COVID bólusetninga, þá óskaði hann flýtimeðferðar. Hægt er að skoða myndband um málshöfðunina hér og afrit af öllum dómsgögnum hér.

AVN telur að ástralska ríkisstjórnin hafi farið gegn intaki meginreglunnar um varúð brugðist skyldum sínum við að gæta varúðar með því ekki bara að dreifa og mæla með, heldur skylda íbúa Ástralíu til að taka við þessari læknismeðferð. Það geti ekki verið upplýst samþykki þegar lífsviðurværi og geta einstaklinga til að sjá fyrir börnum sínum er í sett í uppnám.

„Undanfarna áratugi hafa að meðaltali 2,4 einstaklingar látist og um það bil 3.500 aukaverkanir verið tilkynntar á 12 mánaða tímabili vegna allra hefðbundinna samþykktra bóluefna,“ sagði Julian Gillespie, lögfræðingur. „En það hefur verið tilkynnt um 755 dauðsföll og 104.236 aukaverkanir á innan við 12 mánuðum frá því COVID-bólusetningar hófust.“

AVN telur að vegna fordæmalausrar aukningar á dauðsföllum og aukaverkunum hefði Dr. Murphy átt að bregðast við og stöðva bólusetningarnar fyrir meira en níu mánuðum. Þess í stað hafa bólusetnignar haldið áfram, jafnvel hjá aldurshópum þar sem áhættan af bólusetningunni er mun meiri en áhættan sem þeim stafar af COVID-19.

Fréttin bendir á að Samtökin Frelsi og Ábyrgð lögðu fram samskonar beiðni til heilbrigðisráðuneytins í byrjun janúar sl.