Geir Ágústsson skrifar frá Danmörku:

Dönsk sóttvarnayfirvöld, Statens Serum Institut (SSI), gáfu nýverið frá sér lista yfir rangfærslur og rangtúlkanir á dönskum gögnum um veikindi, innlagnir og annað slíkt í Danmörku vegna COVID-19. Voru ýmsir aðilar byrjaðir að deila línuritum á samfélagsmiðlum og úthrópa algjöra opnun á dönsku samfélagi þann 1. febrúar og kalla hættulega. Meðal slíkra aðila eru Nóbelsverðlaunahafi í hagfræði, Paul Krugman. Nánar er sagt frá því í frétt TV2 í Danmörku.

SSI fannst áríðandi að leiðrétta þessar rangtúlkanir sem sumar hverjar mætti jafnvel kalla ásakanir og gaf út lista yfir þær helstu sem má lesa á ensku hér.

Hér að neðan birtist stuttur útdráttur frá lista SSI á íslensku og verður athyglisvert að sjá hvort íslensk yfirvöld muni bregðast við þessum upplýsingum frá frændum sínum í Danmörku og birti jafnvel svipuð gögn í íslensku samhengi:

Misvísandi upplýsingar: Mjög margir eru lagðir inn á spítala vegna COVID-19 í Danmörku
Svar: Þetta er ekki rétt.
Hlutfall innlagna af þeim sem greinast jákvæðir hefur fallið síðan í september 2021. Hlutfall COVID-19 jákvæðra sem eru lagðir inn vegna COVID-19 hefur fallið síðan í júlí 2021 miðað við þá sem eru lagðir inn með COVID-19 (greinast jákvæðir en lagir inn af öðrum ástæðum). Í byrjun febrúar voru 60% innlagðra jákvæðir af COVID-19 lagðir inn vegna COVID-19.

Misvísandi upplýsingar: Mjög margir deyja vegna COVID-19 í Danmörku
Svar: Þetta er ekki rétt.
Seinustu mánuði 2021 dóu fleiri en að jafnaði meðal fólks 75 ára og eldra sem er talið vera vegna delta-afbrigðisins.
Hins vegar hefur dánartíðnin frá byrjun 2022 minnkað í Danmörku og er nú á viðbúnum slóðum. Þetta gerist þrátt fyrir fjölgun greindra smita og talið endurspegla að omíkrón-afbrigðið er síður banvænt miðað við fyrri afbrigði. Af sömu ástæðu hefur orðið fjölgun í hópi þeirra jákvæðra með COVID-19 sem deyja með COVID-19 en ekki vegna COVID-19.

Misvísandi upplýsingar: Innlagnatíðni fyrir ungabörn og börn vegna COVID-19 er mjög há
Misvísandi upplýsingar: Börn verða mjög veik vegna COVID-19
Innlagnatíðni barna yngri en 2 ára er hærri en eldri barna en engu að síður mjög lág. Flest börn dvelja í skemur en 12 tíma á spítalanum því ástand þeirra er ekki talið réttlæta innlögn. Í sjaldgæfum tilfellum (1 af hverjum 4100 í Danmörku) geta börn þróað með sér alvarlegri sjúkdóm sem má skýra með því að ónæmiskerfið er að bregðast við COVID-19.

Misvísandi upplýsingar: Legudeildir eru að fyllast af COVID-19 sjúklingum því fjöldi gjörgæslurýma hefur minnkað
Misvísandi upplýsingar: Skilyrðin fyrir gjörgæsluinnlögn hafa breyst síðan í desember 2021
Misvísandi upplýsingar: Aldraðir einstaklingar fá ekki aðgang að gjörgæslu og þess í stað er treyst á að þeir fái aðhlynningu á hjúkrunarheimilum
Svar: Þetta er ekki rétt.
Allir sem þurfa gjörgæslurými í Danmörku fá slíkt og Danmörk hefur á sérhverjum tímapunkti í heimsfaraldrinum haft næg gjörgæslurými vegna sveigjanleika í kerfinu. Fjölgun á legurýmum skýrist af því að omíkrón-afbrigðið veldur vægari einkennum. Einnig er útbreiddri bólusetningu þakkað fyrir að færri veikjast alvarlega. Fækkun á gjörgæsluinnlögnum hefur átt sér stað undanfarna marga mánuði.

Misvísandi upplýsingar: Danmörk hefur ákveðið að COVID-19 finnist ekki lengur
Misvísandi upplýsingar: COVID-19 er ekki lengur talið vera ógn við samfélagið því Danmörk hefur ákveðið að þeir sem veikjast alvarlega séu ekki mikilvægur hluti samfélagsins
Svar: Þetta er ekki rétt.
Sjúkdómurinn er ekki lengur skilgreindur sem "sýking sem er samfélagslega hættuleg" því omíkrón-afbrigðið er mildari sjúkdómur en fyrri afbrigði stórt hlutfall íbúa er bólusett. Þess vegna hefur COVID-19 ekki sömu áhrif á samfélagið og fyrr í heimsfaraldrinum. Enn eru tekin mörg próf og yfirvöld fylgjast náið með ástandinu. Allir sem veikjast alvarlega eru meðhöndlaðir með bestu mögulegu aðferðum.