Edward Dowd fjárfestir og fyrrum yfirmaður hjá fjárfestingafyrirtækinu BlackRock kom nýlega fram í viðtali hjá verðlaunablaðakonunni Kristi Leigh.

Viðtalið er rúmar 46 mínútur og afar upplýsandi varðandi hugsunarhátt fjárfesta og hvaða upplýsingar þeir vilja og þurfa að hafa til að geta greint viðskiptatækifæri og tekið ákvarðanir.

Í viðtalinu kemur fram að Edward er fullviss um að framin hafa verið stórkostleg svik við markaðssetningu mRNA tilraunaefnanna frá Pfizer og Moderna og að Matvæla- og lyfjastofnun Bandaríkjanna (FDA) hafi og sé að taka þátt í svikunum. Markmiðið hafi verið m.a. fjárhagslegur gróði.

Hér á eftir fer lauslega þýddur kafli úr viðtalinu frá mínútu 4:35 til 9:34, sem má sjá hér, þar sem Edward segir frá því hvernig skortur á upplýsingum hafi sannfært hann sem fjárfesti að svik hafi verið framin og almenningur verið blekktur. Þá lýsir hann einnig kynnum sínum af uppljóstraranum Brook Jackson.

Fjárfestirinn leitar sér ítarlegra upplýsinga

„Þessi lyf voru á tilraunastigi og það tekur venjulega 7-10 ár að fá öryggisgögn til að verða nothæf fyrir bóluefni. Þar af leiðandi sagðist ég ælta að bíða og fylgjast með, það var það eina sem ég vissi á þeim tíma.“

„Í kringum maí-júlí á síðasta ári fórum við að heyra sögurnar og gögn fóru að koma fram, aukaverkanirnar, dauðsföllin, íþróttamenn að hníga niður. Það var ekkert að finna um þetta í helstu fjölmiðlum.”

„Ég er mikill Twitter notandi, ég er fjárfestir og leita mér að viðbótarupplýsingum, hef alltaf viljað leita hins sanna og afla mér upplýsinga til að geta aflað viðskiptavinum mínum, og mér sjálfum, peninga, allt frá því að ég starfaði hjá BlackRock.”

"All-Cause Mortality Endpoint" vantaði

„Ég varð fljótt meðvitaður um aukaverkanirnar, ég sá VAERS gagnagrunninn og fannst þetta mjög grunsamlegt.  Í nóvember benti vinur minn, sem vinnur í líftæknibransanum, mér síðan á að svokallaður „endapunktur um dánartíðni af öllum orsökum” (e. all-cause mortality endpoint) hafði ekki komið fram í upprunalegu klínísku prófunum Pfizer.”

„Ég hafði ekki heyrt þetta, hvenær kom þetta í ljós? Það kom í ljós í FOIA (Freedom of Information Act) skjölunum [sjá hér Pfizer skjölin], að það vantaði þessar endapunkta-upplýsingar. Hvað þýðir það?  Það þýðir einfaldlega að í tilraunahópnum voru fleiri dauðsföll en í lyfleysuhópnum.”

Án "All-Cause Mortality Endpoint" á lyfið ekki að fást samþykkt

„Það sem þarf að skilja er að í venjulegu samþykktarferli nýrra lyfja hjá FDA, að ef  þennan endapunkt vantar, fæst lyfið ekki samþykkt. Þegar þetta kom í ljós í nóvember ákváðu stjórnendur í líftæknibransanum sem þetta sáu að fara ekki í örvunarsprautu og þeir sem höfðu ekki þegar farið í bólusetningu fóru ekki í hana.”

„Þetta er gullstaðall hjá FDA. Þetta einnar vöru fyrirtæki [Pfizer] ætlaði að fá samþykki fyrir lyfinu en það vantað endapunktinn og FDA myndi þá ekki samþykkja lyfið. Þetta fór að fréttast hægt og rólega þarna um haustið, þanngi að þetta atriði er mikilvægast.”

FDA og Pfizer ákveða að fela gögnin úr prófununum

„Ég varð því fullviss um að við höfðum verið afvegaleidd, og fór þá að skrifa um málið á Twitter og síðan ákvað FDA að birta ekki gögnin um klínísku prófanirnar fyrr en eftir 75 ár.  Þegar ég sá þetta fór ég að skrifa um málið og sagði að svik hefðu líklega átt sér stað. Hvernig vissi ég það?  Einfaldlega þar sem þeir ætla ekki að sýna okkur gögnin úr prófununum.”

„Sem fjárfestir get ég sagt hluti sem þessa þar sem þetta varðar fjárfestingasiðferði, greiningaratriði, og var því mjög opinskár með þetta. Ég fór í þáttinn hjá Steve Bannon og sagðist vera með kenningu um að Pfizer hefði framið svik varðandi gögnin úr klínísku prófununum og í prófununum sjálfum. Ég vissi það því þeir voru með FDA í því að fela gögnin.”

Samskipti við uppljóstrarann Brook Jackson

„Eftir þetta hafði Brook Jackson samband við mig, hún er uppljóstrarinn frá Ventavia Research Group, sem kom fram í British Medical Journal í nóvember 2021.”

„Ég talaði við hana og við fórum í hlaðvarpsþátt Tomas Paine og lýstum svindlinu sem hafði farið fram. Þetta er ákaflega einfalt, hún varð vitni af svindli en ég einblíndi á að það voru 44.000 sjúklingar í klínísku prófunum og hún hafði umsjón með eitt þúsund þeirra. Þessir eitt þúsund voru „afblindaðir“ (e. unblinded)” [ insk. blm. sjúklingar vissu hvort þeir fengu mRNA lyfið eða lyfleysu].

„Þegar sjúklingar eru „afblindaðir“ á að „henda“ gögnum um þá út úr prófununum, samkvæmt vinnureglum Pfizer og það er viðhaft almennt í samskonar lyfjatilraunum, en það var ekki gert. Jackoson tilkynnti þetta til FDA kl. 9 að morgni föstudags og var rekin úr starfi kl. 15 þann sama dag.”

„Hún hafði tilkynnt um þetta nafnlaust og 5 dögum síðar hafði lögfræðingur Pfizer samband við hana, Mark Barnes, sem er þekktur sem „swamp creature“ með tengsl við Fauci,  Heilbrigðis- og mannþjónusturáðuneytið, Clinton, nefndu það hann er „reddarinn.“ Greining mín á honum er í myndinni Pulp Fiction, hann er herra Wolf, hann hreinsar til, hann kemur líkunum fyrir.”

„Pfizer rak ekki Jackson heldur Ventavia sem var verktaki við klínisku prófanirnar. Síðan kom Barnes til sögunnar, hann hafði einhvern veginn fengið einkanúmer eiginmanns hennar og vissi að það var hún sem hafði lagt fram kvörtunina, þetta var mjög skrítið. Hún gaf aldrei upp nafnið sitt við nokkurn mann og hana grunar að FDA hafi upplýst um nafn hennar.”