Transkarlinn Scott Newgent segir að ekki sé hægt að skipta um kyn, að hann verði aldrei karlmaður og að Bandaríkin séu að selja börnum okkar læknisfræðilega blekkingu.

Eftirfarandi kafli er úr bókinni Hvað er kona? eftir Matt Walsh þar sem hann tekur viðtal við Scott Newgent.

„Hvað leiddi til ákvörðunar þinnar um að breyta um kyn?“ spyr Walsh transkarlinn Newgent.

Hún byrjaði með andvarpi: „Þetta er spurning sem ég fæ oft.“

Newgent sagði mér frá því að hún væri lesbía og hafi verið innilega ástfangin af kaþólskri stúlku. Stúlkan vissi að hún væri ekki lesbía og sagði við Newgent að hún hagaði sér eins og karlmaður í kvenmannslíkama.

„Ég hugsaði um þetta í langan tíma,“ sagði Newgent. „Og ég hugsaði, ef ég myndi breyta lífi mínu, ef ég myndi skipta um litninga, úr kvenkyni í karl, yrði líf mitt allt öðruvísi. Ég myndi verða hinn fullkomni karlmaður.“

Sálfræðingur hennar og fólk í kringum hana hélt áfram að segja henni að hún væri í raun fædd í röngum líkama. Allt í einu fór vanlíðan hennar og það að vera lesbía að passa saman. Fjörutíu og tveggja ára tók hún skrefið. Hún ákvað að skipta um kyn.

„Ég er kona en eftir aðgerð og hormóna lít ég út eins og karl“

Ég gerði ráð fyrir að hún teldi sig vera karlmann. Mig langaði að spyrja hana um þá reynslu. En svo sagði hún eitthvað sem kom mér á óvart.

„Líffræðilega er ég kona og mér var breytt með læknisfræðilegri aðgerð í að líta út eins og karlmaður með tilbúnum hormónum og skurðaðgerð,“ sagði hún.

„Ég mun aldrei verða karlmaður, aldrei... breytingar með læknisaðgerð eru blekking; blekking um „hitt kynið“ - það er ekkert til sem heitir að skipta um kyn. Það er ekki hægt,“ bætti Newgent við.

Ég (Matt Walsh) var að verða svolítið stressaður. Ef ég hefði sagt eitthvað á þessa leið við transfólkið myndi það snúast gegn mér á augabragði.

„Er þetta kannski transfóbía gagnvart sjálfri þér?,“ spurði ég hikandi.

„Nei, þetta er raunveruleikinn, þetta er raunveruleikinn,“ sagði hún. „Staðreyndin er sú að ef þú skiptir um kyn með læknisaðgerð, skaparðu blekkingu um hitt kynið þér til huggunar. Hvers vegna er það transfóbía?“

Newgent lýsti fyrir mér hvernig allt breytingarferlið sogar fólkið inn í leitina að hamingjunni sem því var lofað og einnig lýsti hún því hvaða áhrif þetta hefur haft á börnin okkar.

„Við erum að taka viðkvæmustu börnin okkar, og við erum að segja þeim að það sé hægt að laga vandann...því það sem gerist við læknisfræðilegar breytingar samkvæmt minni reynslu er að fyrst kemur hugmyndin: „Ég fæddist í röngum líkama. Guði sé lof, lífið á eftir að verða betra núna, ekki satt?“ Við byrjum svo á hormónum og sex mánuðum eftir hormónameðferð, segjum við: „Þetta hjálpaði ekki neitt.“

En þetta fólk hefur þegar gengið það langt að það getur ekki snúið við á þeim tímapunkti. Eini kosturinn sem það telur sig eiga er að halda áfram.

Yfirvöld segja fólkinu að það sé ekki ánægt, vegna þess að það hafi ekki fengið nægilega viðurkenningu.

Newgent hélt áfram: „En ég þarf samt skurðaðgerð. Svo þú ferð í aðgerð að ofan og segir svo: „Allt í lagi, ég er ennþá með þetta innra..., þú veist.“

„Ég þarf enn skurðaðgerð að neðan og ég þarf að breyta nafninu mínu og ég þarf að gera þetta, og samfélagið er transfóbískt vegna þess að það skilgreinir mig ranglega...og á einhverjum tímapunkti verður maður að líta til vinstri og hægri og segja: „Jæja, þetta breytti engu!“

Allt viðtalið má lesa á Daily Mail.