Eftir Arnar Sverrisson sálfræðing:

Athyglisverður fyrirlestur um námsskrá fór fram skóla í Portland í Bandaríkjunum nú á dögunum. Þar er börnum talin trú um, að kyn sé í raun ekki til og því verði þau að taka ákvörðun um kyn sitt sjálf.

Þessi kynleysukennslufræði hefur einnig náð til Íslands, sprottin úr hugmyndaheimi kvenfrelsaranna, sem eru í þann mund að útrýma karlmennsku og „vana“ karlmenn.

Í Reykjavík eru þegar til leikskólar, þar sem fræðin eru kennd. Í einum grunnskólanna er börnum kennt um stráka, sem eru stelpur að innanverðu. Hvernig ætli standi á því, að börnum og unglingum líði illa?

Valdafíknar- og forsjárhyggjustjórnmálamenn beita hinu opinbera valdi í sífellt auknum mæli til að ná valdi yfir hugum ungviðisins, foreldrum og fjölskyldum.

Við látum þetta gerast og förum í gleðigöngu yfir öllu saman. Kynjafjölbreytnin eða kynleysan er frábær - ekki satt? Það segir allavega Katrín Jakobsdóttir og fjólubláa ríkisstjórnin hennar.

Ætli það sé tilviljun eða jafnvel falsfrétt að benda á, að þessi hreyfing náði sér fyrst verulega á strik fyrir rúmri hálfri öld síðan, þegar auðmenn á Vesturlöndum (Bandaríkjunum fyrst og fremst) tóku að fjármagna hana. Það eru reyndar sömu auðmenn, hringar þeirra og sjóðir, sem ráða að mestu fjölmiðlum og æðri menntun, hittast í Davos í Sviss, kalla sig Alheimsefnahagsráðið (WEF), og vilja eina alheimsstjórn. Það er auðvelt að stjórna villuráfandi, ístöðulausu og fáfróðu fólki.