Læknar máttu eiga von á þeim fylgikvillum og aukaverkunum sem fylgja mRNA COVID-19 bólusetningum á grundvelli gagna og rannsókna sem ná 15 ár aftur í tímann samkvæmt bandaríska lækninum Dr. Elizabeth Lee Vliet.

Þegar COVID-19 bóluefnin voru sett á laggirnar var þegar vitað að eituráhrif broddpróteinsins og annars innihaldsefnis gætu valdið fylgikvillum eins og bólgu, blóðtappa og truflun á ónæmiskerfinu, sagði Vliet í viðtali í þættinum "Crossroads" á EpochTV.

„Fyrstu sex mánuðina eftir að byrjað var að sprauta með COVID-19 bóluefnunum var ég með heilan hóp sjúklinga sem glímdi við alls kyns vandamál sem þeir höfðu ekki gert áður,“ sagði hún og bætti við að eini samnefnari þessara tilfella var að allir þessir sjúklingar voru búin að fá COVID-19 bóluefni.

„Mest af þessu fólki hafa verið sjúklingar mínir í 20 eða 25 ár. Ég er meira að segja með nokkra sem hafa verið hjá mér í 30 ár. Og ég þekkti sjúkrasögu þeirra,“ sagði hún.

Meðal kvilla sem Vliet sá hjá sjúklingum sínum voru vitsmunaleg vandamál, minnistap, heilaþoka, smávægileg heilablóðföll, svimi, eyrnasuð og fall (detta niður).

Vilet minntist á tvo sjúklinga sína, hjón á sjötugsaldri sem voru heilbrigð og hress og hreyfðu sig reglulega, gengu 10 km. á dag. Þau fengu COVID-19 sprautur svo þau gætu ferðast til að sjá börn sín og barnabörn.

Síðan þá hafa hjartsláttartruflanir konunnar verið stjórnlausar og maðurinn fór að detta sem leiddi til þess að hann mjaðmarbrotnaði, sagði Vliet.

Meðhöndlun COVID-19

Vliet sagðist í læknisstörfum sínum fylgja grundvallarreglu sem hún lærði í læknanámi: Ef það sem þú ert að gera er að virka, haltu því áfram. Ef það sem þú ert að gera virkar ekki skaltu hætta því.

„Og ef sjúklingurinn fær nýja heilsukvilla, strax eftir að búið er gefa honum meðferð eða lyf eða sprautu, líttu þá á það sem samhangandi þætti,“ sagði hún.

„Þessar reglur eru almenn skynsemi. Þetta er læknisfræði 101 … og það hefur verið hið sanna á öllum mínum ferli.“

Læknar hætta almennt að gefa lyf þegar sjúklingur sýnir aukaverkanir sem hann hafði ekki áður, til að sjá hvort þeir kvillar hverfi, sagði Vliet. „Það sama á við um hvaða bóluefni sem er.“

„Ég hef verið með sjúklinga sem hafa fengið aukaverkanir við öllum bólusetningum,“ sagði Vliet og bætti við að hún hafi sjálf fengið bóluefni í fortíðinni og ekki fundið fyrir neinum aukaverkunum.

„Ég hef mælt með bólusetningum fyrir sjúklinga mína þegar við á. En það koma líka tímar þegar bólusetningar eru einfaldlega ekki nauðsynlegar. COVID var einn af þeim sjúkdómum.

COVID-19 var ekki banvænn sjúkdómur fyrir þá sem eru undir 50 ára og ekki með neina undirliggjandi áhættuþætti, sagði Vliet. Og fyrir þá sem eru eldri en 50 eða með undirliggjandi kvilla, notaði Vliet snemmtæka meðferð og sjúkdómurinn „var mjög meðferðilegur,“ sagði hún.

Ísraelska heilbrigðisráðuneytið gæti átt von á lögsóknum

Í þessu samhengi má segja frá því að Dr. Harvey Risch, prófessor emeritus í faraldsfræði við Yale háskólann segir í viðtali að heilbrigðisráðuneytið í Ísrael hafi verið varað við af þeirra eigin vísindamönnum, að ráðuneytið gæti átt von á lögsóknum, því samkvæmt gögnum sem lekið hefur verið, vissi ráðuneytið um alvarlegar aukaverkanir en sögðu fólki samt sem áður að fara í bólusetningu.

Viðtalið má sjá hér: