Eftir Hall Hallsson:

Um miðjan október skrifaði ég grein þess efnis að Vesturlönd hefðu nú þegar tapað Úkraínu-stríðinu; proxystríðinu sem er háð undir forystu Ameríku gegn Rússlandi. Greinin vakti allnokkra athygli og fjörlegar umræður á fésbókar síðu minni, allrösklega dreift. Fréttin.is fór þess á leit að birta greinina sem var auðsótt mál. Á dögunum var ég settur í svokallað fésbókar-fangelsi fyrir færsluna. Ég er augljóslega yfir skotmarkinu og byssur gelta. Krímskagi og Austur-Úkraína eru nú þegar hlutar Rússlands og líklega mun Odessa sameinast Rússlandi. Úkraína verður sem forðum landlukt oblast umhverfis Kænugarð, vesturhlutinn rennur aftur inn í Pólland. Myrkur grúfir yfir Úkraínu þar sem er orku- og vatnsskortur nú þegar vetur gengur í garð. Þjóð í myrkri án orku er bjargarlaus. Hvernig ræsa þeir skriðdrekana?

Úkraína 2022

Vesturlönd eru ein á báti í þröngri stöðu. Rússland, Kína, Indland, Íran, Saudi-Arabía, Persaflóaríki, S-Afríka, Brasilía, Argentína hafa snúist gegn amerískum yfirráðum. Meirihluti mannkyns neitar að lúta forræði Bandaríkjanna. Evrópa og Ameríka hafa afbakað vestræn gildi, úrkynjast, úthýst lýðræði og orkuskortur lamar innviði vegna lygavaðals um manngert loftslag.

Úkraína lokaniðurstaða

Uppi er óvænt staða í valdataflinu í Úkraínu. Vestrænt viðskiptabann á Rússland hefur snúist í höndum glæpahyskis í Washington og kjána í Brussel. Hyskið misreiknaði sig. Það eru Vesturlönd sem eru á barmi hyldýpis svörtulofta; frostavetur blasir við Evrópu, orkuverð er í himinhæðum, megawattið hefur sexfaldast á markaði í Rotterdam, gasbirgðir á þrotum, dísill í Ameríku. Græn orka er tálsýn. Hart er í heimi. Rúblan í hæstu hæðum styðst við gullfót. Prentvélar á yfirsnúningi ‘fjármagna‘ dollar, pund og evru. Pappírssnifti eru tálsýn.

Nýjar upplýsingar eru komnar fram um Nordstream. Farsími hinnar gæfulausu Liz Truss var hakkaður og breskir fjölmiðlar vilja rannsókn hvernig það mátti hafa gerst. Rússar segja að breski herinn standi á bak við Nordstream. Hökkuðu þeir símann? Strax eftir sprengingarnar í Eystrasalti mun Truss hafa sent sms skilaboð úr Downingstræti 10 til Blinken utanríkisráðherra USA: ‘It‘s done.‘ Í febrúar sagði Biden við fjölmiðla: "We will bring an end to it [Nordstream]. I promise you." Garmurinn Scholz kanslari Þýskalands stóð við hlið hans, vaggaði rófu og sveik þjóð sína.

Klíkan sem prentar dollar

Með stofnun Federal Reserve árið 1913 fékk fámenn klíka einkarétt á prentun dollars, taka þóknun fyrir og njóta eldanna. Þessi klíka tók bandaríska þjóð í gíslingu og veröldina sem varð vettvangur styrjalda og plága; Military Complex – Big Pharma. Klíkan tók yfir CIA, FBI, stjórnsýslu, fjölmiðla og hollywúdú. Klíkan varð skuggastjórnandi heimsins. Á 21. öld hefur ríkt brjálæði Endalausra styrjalda gegn múslimaríkjum sem voru sprengd á steinöld. Nú þjást íbúar Úkraínu. Bræður berjast og að bönum verða, svo sem völvan spáði forðum. Úkrnazíski herinn er óvígur líkt og hersveitir nazista eftir Stalíngrad.

Evrópa er fangi kredda, fávisku, fánýti og rétttrúnaðar. Með því að efna til úlfúðar milli Þýskalands og Rússlands slær Biden-klíkan tvær flugur í einu höggi. Evrópa og Rússland skulu lömuð til að tryggja amerísk heimsyfirráð, allt eftir plani. Ameríska Rand hugveitan á spena Military Complex lagði drög að New American Century. Innifalinn var umbreytandi atburður eins og Pearl Harbor. 9/11 varð aflvaki Endalausra styrjalda gegn þjóðum múslima. Í bók sinni The Grand Chessboard lýsti æðsti klerkur neo-con-klíkunnar í Washington, Zbigniew Brzezinki hvernig Úkraína sé lykill að því að lama Rússland til að tryggja stöðu Ameríku sem stórveldi 21. aldar. Hershöfðinginn Wesley  Clark hefur lýst valdaráni neo-cons í Washington þegar Bush komst til valda 2001. Obama og Biden hertu róður í Sýrlandi og Líbýu, héldu til Úkraínu, rændu völdum í Kænugarði 2014, Úkrnazía varð til 2015 þegar Azov-nazistar mynduðu sérdeildir í hernum, farið var með stríði gegn rússneskum íbúum Donbass. „...þeirra börn munu hírast í kjöllurum,“ hótaði Petro Poroschenko forseti [2014-2019].

Petro Poroschenko

En Washington misreiknaði sig illilega. Í þriðja sinn á 200 árum gjalda Vesturlönd afhroð í Rússlandi. Biden spólar í hjólförum Napóleons og Hitlers. Úkraína er Stalíngrad Vesturlanda. Hið ameríska stórveldi 21. aldar kastað á öskuhaus sögunnar sem og Evrópusambandið. Slagbrand verður skellt á höfuðstöðvar Davos þar sem mynd Katrínar Jakobsdóttur prýðir vegg vefsíðu World Economic Forum.

Börn í Úkraínu

Nýr dagur á gimli

Verið hughraust. Almáttugur Drottinn skapari  himins og jarðar öllu ræður. „Guð sagði. Verði ljós. Og það varð ljós,“ segir í 1. Mósebók. „Í upphafi var Orðið og Orðið var frá Guði og Orðið var Guð,“ segir í Jóhannesarguðspjalli og ennfremur: „Í honum var líf og lífið var ljós mannanna.“ Jesús Kristur er ljós heimsins og ljósið lýsir upp myrkrið. Jesús er verndari mannkyns sagði Gunnar Dal heitinn við mig. Drottinn yfirgefur ekki mannkyn heldur frelsar úr myrkuðum dýflissum guðlausra, satanista.

Senn rís nýr dagur með fullveldi þjóða sem lifa í sátt og samlyndi, illska gerð útlæg: „...böls mun alls batna. Baldur mun koma. Vituð þér enn, eða hvað?“ segir í Völuspá: „Sal sér hún[völvan] standa, sólu fegra, gulli þaktan á Gimli. Þar skulu dyggvar dróttir byggja og um aldurdaga yndis njóta.“