Fyrstu 36 vikur þessa árs hafa 1887 manns látist hér á landi. Þetta kemur fram í nýjustu tölum Hagstofu Íslands frá því í gær. Hagstofan tekur fram að talningar á látnum fyrir árið 2022 séu bráðabirgðatölur og líklega vanmat á fjölda látinna vegna síðbúinna tilkynninga.

Þegar tölurnar fyrir árið 2022 eru bornar saman við fyrri ár kemur í ljós að dauðsföllum hefur fjölgað gríðarlega eftir eftir að byrjað var að sprauta fólk með C-19 sprautuefnunum um áramótin 2020/2021.

Árið 2021, fyrsta árið sem byrjað var að sprauta fólk létust 1623 fyrstu 36 vikur ársins. Árið 2020, árið sem COVID kom til sögunnar létust 1568 fyrstu 36 vikur ársins, sem er mjög svipað og á sama tímabili árin á undan, árið 2019 létust 1533, árið 2018 létust 1566 og árið 2017 létust 1557 á fyrstu 36 vikum ársins.

Miðað við árið 2021 hefur dauðsföllum fyrstu 36 vikur ársins 2022 fjölgað um 16,3%, en ef miðað er við fyrstu 36 vikur ársins 2020 (en það ár var ekki byrjað að sprauta fólk), hefur dauðsföllum á fyrstu 36 vikum ársins 2022 fjölgað um 20,4%.

Eins og kunnugt er gefa sóttvarnaryfirvöld hér á landi ekki upp C-19 „bólusetningarstöðu“ látinna, eins og t.d. bresk stjórnvöld. Þessi mikla aukning dauðsfalla hérlendis er í samræmi við mikla aukningu umframdauðsfalla í Englandi þar sem opinber gögn staðfesta að C-19 sprautaðir eru þeir sem eru að látast í stórum stíl, bæði vegna COVID-19 og af ýmsum öðrum orsökum.

Þar sem tölur Hagstofunnar eru bráðabirgðatölur, enn sem komið er, er líklegt að fjöldi dauðsfalla á Íslandi á þessu ári sé enn meiri en þegar hefur verið gefinn upp.